Yuuda 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

Yuuda 1:16 ပူးပေါင်းရင်းမြစ်များ

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Luuka 19:7

ꞌDooꞌd dakkhan la chirri us waha arge ka, nyunnyuwe wihi us yidah, “Eta goobi eti uskeel lehe irta.”

Luuka 5:30

Iꞌdaasenyi Farissaayo ichoow tagaammeti amurre iche laka Farissaayee nyunnyuute wihi iche abatti Yeesso itidah, “Atin a iꞌdoh ꞌdooꞌdi kooddi goocho ichoow ki uskeel leh ileegolossattaan?”

Yoohana 6:41

Jeenteti Yeesso, “An a gololi goobi Waakh kayimiy,” iyidah u, ꞌdooꞌdi Yaꞌhuud nyunnyuwe.

Yoohana 6:61

Yeesso saggi ꞌdooꞌdi usu raaho waha ka inyunnyuuwo kase, wihi us icho iyidah, “Ahollowina.

1 Koriinto 10:10

ꞌDooꞌdaas gaasoo a nyunnyuwe, herti Waakhe walah uskulaasso icho bakkisse. Uus inno iꞌdichuu nyunnyuwin giꞌde.

Galaatiya 5:16

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Fiiliffi 2:14

Taba wihi atin yeessaan tuumman ka, ꞌdooꞌdi iriir leh ommos ꞌdooꞌdi nyunnyuwo iitaahana.

1 'Dessaloonika 4:5

Iꞌdi ꞌdooꞌdi Waakh igaranne eti tuummane icho argaan ichohi leeurꞌdo imoono iitaahana.

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

2 Timooti 4:3

A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

1 Beetero 1:14

Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

2 Beetero 2:10

Kach ka la a ꞌdooꞌdi wihi kheerenye uurassicho goya kijiro uskeel imoono raaho toro weynaan rannyo. Icho wihi icho yeelin ꞌdoonaan ka roorro ma khabaane, rannyaate leeyahiine, toro la wahanyeyyohi iꞌdi herti Waakhe anto khabo liiargine icho leeabaarramaan ma karooraan.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

2 Beetero 3:3

Koloo la waha abda, ibeenneti ꞌdaꞌddaboot ka ꞌdooꞌdi runti Waakh kachaarti toro suujoonki uurassicho imoonaan kalday on yeelo a soobaha.

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”

Yuuda 1:18

Wihi iche atin itidah kallaayo, “Ibeenneti ꞌdaꞌddaboot ꞌdooꞌdi ꞌdooꞌdi addan kachaarti, wahanyeyyohi wihi Waakh ieheynane uurassicho imoonaan on yeelo a soobaha.”