Yuuda 1:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌda a iꞌdi duksakki atin biꞌdirroocho chirri atin daawti ꞌdooꞌd Kiriisto isleegolossati atin gessaan. Icho heebtoo rucchul laka ma argaane, toro la wihi awtichooda on rirrihaan. Icho a iꞌdi mirisi hafar guuricho, bicche laa. Icho a iꞌdi geeyohi hayohi gurnaan lasugo ka gurnaankoo rucchul laka ikhabin. Icho hiiyyaye lakasoobukkhiche. Icho rumanka a tuumeen.

Yuuda 1:12 ပူးပေါင်းရင်းမြစ်များ

Mattaayo 13:6

Iꞌdaasenyi chiꞌ orrahe soobahte ka, orrahe geeyohaas soobahe gubte. Hiiyyaye laa yihiin gone angageen.

Mattaayo 15:13

Yeesso wihi us ilaabe, “Icho a iꞌdi geeyi Aabbaheeyki serey jiro rubeytiis il ikatoollinne, Aabbaheey bukkhicho.

Marko 4:6

Iꞌdaasenyi chiꞌ orrahe soobahte ka, orrahe geeyohaas soobahe gubte. Hiiyyaye laa yihiin gone, angageen.

Luuka 12:45

Iꞌdaasenyi eemba ilbooya uuriis ka ‘Kamureey geeddi deere khaata soonokhta,’ yidahye kahye, ilbooyyeti mejele ichoow ti deddeyyah jahye, toro la sukuuku bihiyye farso damye ichoowka meleefu yitah.

Luuka 16:19

“Etoo kamurenye gaaddi weyti gato miige khabo toro la kol dakkhan gololi haaggan yahame jire.

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

Luuka 8:6

Gaasoo harrati daddaab fuusso kadiheene, chiꞌicho soobaheen ka orrahe geeyohaas soobahe gubte, khuyyaame laayahiinee.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

1 Timooti 5:6

Iꞌdaasenyi muunkhoti wihi kahamaadicho on yeesso, chiꞌiche noossahe laka, a iꞌdoo iche tumuy on.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

Yaakoobo 5:5

Jiroti atin harrata ka jirteen a ti atin wihi atin ꞌdoonteen tuumman khabteene, toro la hamadiinna on yowatteen. Atin wihi uurassiin ꞌdoonaan tuumman a dargisseen, iꞌdaasenyi ibeenki Waakh enenyet hukkumo ma kasin.