Yuuda 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yuuda 1:1 ပူးပေါင်းရင်းမြစ်များ

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Mattaayo 13:55

“Us eta aabbahiis eti tagaanki khoꞌdoommee menya? Magah abartiis Maariya menya? Yaakoobo ichoow Yuussuf ichoow Siimon ichoow Yuuda la walaalinyetiis menya?

Marko 3:18

Reeri addan la a Andereeya, Fiilif, Barꞌdolomaayo, Mattaayo, Toomas, inam Alfaayo ki Yaakoobo layadeeh, ꞌDaꞌdaayo, Siimonhi magahiis Yaaftiisꞌdoone layadeeh,

Marko 6:3

Eta tagaanki khoꞌdoomme diso menya? Maariya abartiis menya? Yaakoobo ichoow Yuuda, ichoow Yoosse, ichoow Siimon menya leedesse? Waha la albehi leedesse menya inno leejiro?” ꞌDooꞌd la usu kahollowe.

Luuka 6:16

Yuuda inam Yaakoobo ichoow Yuuda Iskaariyoot ki yomboka Yeessó ꞌdub gooche.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 14:22

Yuuda ꞌdeerka, kan Yuudahi inam Iskaariyoote menye, wihi us yidah, “Kamur, at a iꞌdoh dowwanoha ka nah isitussa, ꞌdooꞌdi harrata la isitusiwwaayta?”

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

Yoohana 17:15

Weysiheey ka wihi an kidaaho, atihi icho harrata kabihisso menye, iꞌdaasenyi a atihi Seytaanki uskeel leh kaholisso.

Yoohana 17:17

“Runtaah ka icho munya kayeel. Yeedaah a ki rummaat.

Yoohana 17:19

Jeentetichuu la, an a ismunyaacha, ꞌdee icho laka, rumanka lamunyaacha.

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 27:23

Ibeenkate Waakkhi an kiis ahe toro an ihilo hertiistoo garabaaya tolossatte,

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Rooma 1:6

Atin laka ꞌdooꞌda Waakh wahe Yaꞌhuud ieheynane koo Yeesso Kiriisto yateeh goya a kajirtaan.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Rooma 8:30

Toro la ꞌdooꞌdaas us ꞌhor saggi us iꞌdi weeliis ikayeelo gooche, wahe. ꞌDooꞌdaas us wahe la ꞌdooꞌdi fiffissan iekkaache. ꞌDooꞌdaas us ꞌdooꞌdi fiffissan iekkaache la, saggi us weynaantiis ileegismo iayyiche.

Rooma 9:24

Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

Efeesso 5:26

Kiriisto la iꞌdane yeele, ꞌdee dikhnaanki us bicche ichoow Yeediis ka dikhe ka ururiis munyaacha.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

1 'Dessaloonika 5:23

Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

2 Timooti 4:18

Kamur suujoon tuumman a ikariba ichoowka nebey goobiiski saraate us dakhti igeecha. Us ba jirtuu tuummamba lasaaꞌda. Aamiin.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Yuuda 1:21

Geeddi atin jiroti jirtuu imassanne Yeesso Kiriistohi Kamureene uurnugleeliis ka atin siicho sugtaan, ꞌdooninti Waakh atin ikhabo kafiddiya.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.