Yoohana 9:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Wihi us et iyidah, “Nyaame, geꞌdinti Silowaam layadeeh ka fool dikho.” Iꞌda ka mehe leessa ya, “Eti leergate.” ꞌDeerka et irte, fool dikhte, usuhi il argo soonokhte.

Yoohana 9:7 ပူးပေါင်းရင်းမြစ်များ

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Luuka 13:4

Ommos ꞌdooꞌdi tomon ichoow siyyeetenye maanti koondihi deere dagaheet Silowaam kasooreye tuume, kol icho weyti ꞌdooꞌdi Yeerusaleem yaal tuumman goyaka uskeeli buure yeele koogtahiin?

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Yoohana 11:37

Iꞌdaasenyi gaasoo mehe yidaaheen ya, “Eti indo laa goorat indo a haaggichee, a iꞌdoh, Laassaro omoot ikaholin?”

Yoohana 9:11

Wihi us iyidah, “Eti Yeesso layadeehe doobbotoo haaggiche, indo ikawelweele, ‘Nyaam, geꞌdinti Silowaam layadeeh ka fool dikho,’ iyidah. Anna ꞌdeerka irde, fool dikhde, il arge.”

Yoohana 9:39

Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Galaatiya 4:4

Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,