Yoohana 9:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Abatti Yeesso la wihi iche Yeesso worsatte, “Eti ween, eta a iꞌdoh indo laan liidele? Usú uskeel yeele bal ꞌdooꞌdi dele?”

Yoohana 9:2 ပူးပေါင်းရင်းမြစ်များ

Mattaayo 16:14

Wihi icho ilaabeen, “Gaasoo ati a Yoohanahi Enenyet Baattissiyo iche essa, gaasoo a Eliiya essa, gaasoo laka a Yeeremiya ommos ꞌdooꞌdi goorat Waákh íyeyyeedo a kichekoo iche essa.”

Mattaayo 23:7

Sokkoyyo ka la ichehi weyti inkaanyit ka labariiticho, enenyet tuumman, ‘Eti weenoow,’ idowo iche ꞌdoonaan.

Mattaayo 23:8

“Iꞌdaasenyi uus, ‘Eti ween,’ atin liidowin. A mehe Kamuriin a koo kaldach one, atin la a ꞌdooꞌdi yaaftoo kaldach.

Luuka 13:2

Yeesso wihi us ilaabe, “Atin ka maanta, ꞌdooꞌda Gaalilaaya jeenteti icho bolokkhi iꞌdee liitusuu kol us ꞌdooꞌdi Gaalilaaya tuumman ka ꞌdooꞌdi weyti uskeel leh yahe koogtahiin?

Yoohana 4:31

Geeddaas tuumman la abatti Yeesso hawwaassatta, “Eti ween, bal wohoo aham,” idowta.

Yoohana 9:1

Yeesso jit raahaayi, etoo indo laan ladele arge.

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Hilassi Ergaano 28:4

Chirri ꞌdooꞌdi ilaas toofi dahan Baawulo kalollooꞌdo arge ka, wihi icho isiyidaaheen, “Eta rumanka diige khaba, a mehe chirri us beyti buure goyaka iumaatan laka, waakkheenki Ki Jiti Fissan Ka Enenyet Hukkumo layadeeh usu jiro a tirte.”