Yoohana 7:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Yoohana 7:7 ပူးပေါင်းရင်းမြစ်များ

Luuka 6:26

Atinhi toolla ꞌdooꞌd tuumman atin koolicho, sinati atin sugto eenna a buure. Iꞌdi tahe aacchinyetiin laka goorat saggaas on ꞌdooꞌdi ꞌdooꞌdi Waákh íyeyyeedo iskaayyeelo ikoolisse.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yoohana 3:19

“Wihi Waakh gooche kallaayo. Runti Waakhe iꞌdi banayeete harra a soogesse, iꞌdaasenyi enenyet banayhi Waakh menye, mugꞌdi on ꞌdoona. A mehe wihi icho yeelaan a wihi uskeel kaldach on.

Rooma 8:7

A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Galaatiya 4:16

Toollaka runti an atin isoocheeko on ka chiiytankiin itah?

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

1 Yoohana 4:5

ꞌDooꞌdaas beenaate Waákh íyeyyeedo a ki harrata suujenye, maantaka wori harrata kayimiy on cheekaane, ꞌdooꞌdi harrata la icho nabah a isuda.