Yoohana 7:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Gaasoo la mehe essaan ya, “Usu a Ki Lasubhe.” Iꞌdaasenyi gaasoo mehe worsateen ya, “Ki Lasubhe saggoh boroofenhi Gaalilaaya ikayamiit?

Yoohana 7:41 ပူးပေါင်းရင်းမြစ်များ

Yoohana 1:41

Wihi kolooraate Andereeya yeele, Siimonhi walaaliisenye yowte, “Ki Lasubhe a ꞌhelle,” iyidah. Ulla a Kiriistohi lasugo.

Yoohana 1:46

“Ilkerengeetti Naasaret a! Rumanka wohoo rucchule haaggan intaas a kasoobahaan on a?” Naꞌdaanayel worsate. Fiilif la wihi us iyidah, “Kaale, isiagar.”

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 4:25

Makhaabale la wihi iche itidah, “Saggi Ki Lasubhe Kiriistohi lasugo layadeeh iyamiit a garda. Ulla maanti us yamiit, walah tuumman a inno ibabbakkaahicha.”

Yoohana 4:29

“Kaaleya eti wihi tuummane goorat an yeele isoocheeke arga. Eta a geeddi us Ki Lasubhe yahe?”

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Yoohana 7:27

Iꞌdaasenyi eta inti us kayimiy a garanna. Ki Lasubhe la maanti us yamiit, et inti us kayamiit garti mele.”

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”

Yoohana 7:52

Wihi icho ilaabeen, “Ati laka boroofenhi Gaalilaaya katimiy? Bal Chiirnaanneti Waakh goya tabe, ꞌdee saggi ꞌdooꞌdi Waákh íyeyyeedo koo kalday laka injire boroofenhi Gaalilaaya ikiimaatan abo.”