Yoohana 7:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Walaalinye Yeesso wihi iche Yeesso itidah, “Inta katabe boroofenhi Yaꞌhuudiya iro, ꞌdee abattitaah laka wihi ittaawenye weeli enenyet yeelin iubaaꞌdane at yeesso a agarto.

Yoohana 7:3 ပူးပေါင်းရင်းမြစ်များ

Mattaayo 12:46

Yeesso urur leeyyeedaayi, abartiis ichoow walaalinyetiis ba usu leeyeedin ꞌdoonaane, khar tolossateen.

Marko 3:21

Chirri abartiis ichoow walaalinyetiis daageen ka yimaateen, goobe geechaanee. Iꞌdi tahe mehe essaan ya, “Us a sirgowe.”

Marko 3:31

Abartiis ichoow walaalinyetiis ꞌdeerka yimaateene, khar tolossateen. Farniin ergeene ꞌdee Yeesso a liisoowaho.

Luuka 8:19

Maantoo abar Yeesso ichoow walaalinyetiis ba Yeesso argin yimaateen. Iꞌdaasenyi jeenteti urur buur iyahuu, saggi icho ileeyeedaan waayeen.

Luuka 8:20

Etoo wihi us Yeesso iyidah, “Abartaah ichoow walaalinyetaah ba khare toollaane, ichohi kaargo ꞌdoonaan.”

Yoohana 2:2

Yeesso ichoow abattitiis laka oroosaas a liiwahe.

Yoohana 6:60

ꞌDooꞌdi ittaawenye Yeesso raaho waha daage wihi us yidah, “Yeeda weyti miigyahe. Ayyo nabah isuda?”

Yoohana 6:66

Uus chirraas la, ꞌdooꞌdi ittaawenye Yeesso raaho Yeesso adah kakhabte, ma raahin.

Yoohana 7:10

Inkoo walaalinyetiis daawtaas iratte ka, Yeesso laka irte. Iꞌdaasenyi ꞌdóoꞌd ma istusine, dagsi on ka irte.

Yoohana 7:4

Eti rumanka magah ꞌdoono, wihi us yeelo ma dagcho. Maantaka at wahanyeyyoha a haaggissa gone, tab giꞌde enenyet tuumman a kaargo.”

Yoohana 7:5

Walaalinyetiis jeenteti iche usu irummeysanne iꞌdaas itidah.

Hilassi Ergaano 2:14

ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda.