Yoohana 7:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 7:1 ပူးပေါင်းရင်းမြစ်များ

Mattaayo 10:23

Chirri ilkerengeettoo ka sina atin loomhicho, ilkerengeettoo addan ifirda. Rume atin icheeka, geeddi atin hiliin ilkerengeetohi ili Issiraayel tuumman ka imassin, iche Ínam Aadam soonokhta.”

Mattaayo 21:38

“Iꞌdaasenyi ꞌdooꞌdi gos kireeste uus icho ínam argeen, mehe isiyidaaheen ya, ‘Ki dahal leh kalla. Kaaleya a nigaase, ꞌdee dahalhiis a khaatanni.’

Marko 11:18

Kuhaaniyyohi wewween, ichoow tagaammeti amurre ba, yeedaas daagte. Jiti iche Yeesso katagiis yowatte. Jeenteti urur tuumman wihi us enenyet abcho ka weyti igirmeestuu, usu weyti karoorte.

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 4:3

Kamur chirri us waha daage ka, boroofenhi Yaꞌhuudiya katabe, toro abattitiis khabaayi boroofenhi Gaalilaaya inokhte.

Yoohana 4:54

Wahaas a wihi lammaatteete miigti Waakh tuso, Yeesso inkoo us boroofenhi Yaꞌhuudiya kayimiyye us boroofenhi Gaalilaaya soogele yeele.

Yoohana 6:1

Waha ꞌdubicho ka, Yeesso abattitiis khabaayi Beyti Buurenye Gaalilaaya, magahichekoo addan Beyti Buurenye Tibeeriya layadeeh, aficheki ꞌdiri imaahe.

Yoohana 7:11

Weynaanti Yaꞌhuud la Yeesso daawtaas goyaka yowatte, ꞌdooꞌd, “Yeesso mehe agarteen?” idowte.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Yoohana 7:19

Muusa amurre ma atin siinna? Iꞌdaasenyi etiin amurretaas raaho mele. A iꞌdoh ani ogoos imarantaan?”

Yoohana 7:25

ꞌDooꞌdoo ilkerengeetti weene Yeerusaleem wihi us yidah, “Us eta, eti weynaane ogoos maranto menya?

Yoohana 7:35

Weynaanti Yaꞌhuud isinokhatte wihi iche isworsatte, “Inta us irti, inno usu ikaꞌhelin a intoh? Inti ꞌdooꞌdeen kijiro yaafohi Yaꞌhuud ieheynan goya kataasanyahe iche irta yaafohi Yaꞌhuud ieheynan wori Waakh abcha?

Yoohana 8:37

Saggi atin nyaakhut nyaakhut Aburaaham itahiin a garda. Iꞌdaasenyi ogoose imarantaan, iꞌdi tahe wihi an atin abcho ma rummeysattaan.

Yoohana 8:40

Atin la anihi wihi rummaate tuummane an Waakh kadaage atin isoocheeke, iche ogoos imarantaan. Aburaaham injire wihi iꞌdaase ma yeelin.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.