Yoohana 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ “Inankoo makaate chan ꞌdargaayye lakahaaggiche, ichoow bahag lamma rurrucchul khabo kalla. Iꞌdaasenyi koloo kalday laka ꞌdooꞌda ittaawe ma yaakhaan.”

Yoohana 6:9 ပူးပေါင်းရင်းမြစ်များ

Mattaayo 14:17

Wihi icho ilaabeen, “Wihi nah inta ka khabno a makaate chan ichoow bahag lamma kalday on.”

Mattaayo 16:9

Atin uliba walah ma abanna? Atin makaate chanti an mejeli alif chane kagoolliche ma kasooꞌhessaan a? Atin la enjel geeddoh bubbuuhto soolaabteen?

Marko 6:38

“Makaate geeddoh khabtaan?” worsate, “Nyaama bal yeya,” iyidah. Chirri iche abatte ka, “Makaate chan ichoow bahag lamma jirta,” tidah.

Marko 8:19

Maanti an makaate chan mejeli elif chane ijejjebche enjel geeddoh makaateti sooꞌhadde kijirto soosuunteen?” Wihi icho ilaabeen, “Tomon ichoow lamma.”

Luuka 9:13

Wihi us ilaabe, “Atin rubeytiin wohoo icho yamhiin siicha.” Wihi iche ilaabte, “Wihi nah khabno a makaate chan ichoow bahag lamma kalday on. Chiꞌ nah iranni nah ꞌdooꞌda tuumman golol isooganno on menye.”

Yoohana 11:21

Maarta wihi iche Yeesso itidah, “Kamur, kootte at inta kajirte ka, walaaleey ma yamuut!

Yoohana 11:32

Maariya inti Yeesso kajire sooeleesse, uus iche Yeesso agarte ka, luhlohiis ka jilbo il kaguꞌdubte, wihi iche tidah, “Kamur, kootte at inta kajirte ka, walaaleey ma yamuut.”

Yoohana 21:10

Yeesso wihi us abatti iyidah, “Bahaggi atin sookhabatteen goyaka, gaasoo sookhaata.”

Yoohana 21:13

Yeesso toro makaate khaate, abatti idiibe, bahag laka toro iꞌdaas on yeele.

Yoohana 21:9

Chirri iche bey afiche eleesse ka, seeꞌddi bolokhto bahag fuulo agarte. Makaate laka intaas a kajirte.

Yoohana 6:11

Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Yoohana 6:7

Fiilif wihi us Yeesso ilaabe, “Gololi ꞌdooꞌda ebba wohoor on yaham, chilimmeti eti orrah kud lamma hil haaggiche laguto, iche ꞌdoona!”

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

Bakkaahit 6:6

Hooyoo iꞌdi ki enenyete la wihi rubey khabo affare dahcho kasooyeede daage, wihi us yidah, “Chilimmeti eti orrahtoo hil haaggiche laguto kiilotoo ꞌdargaayye on bahta. Kiilo seyyah nyumumma laka chilimmeti eti orrahtoo hil haaggiche laguto on bahta. Subakki geeyi oolif ichoow farsoti sabiib la akheeroon.”