Yoohana 5:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Chirri Yeesso usuhi intaas jiifo arge, saggi us guꞌhassi ittaawe ikhannaneet garte ka wihi us worsate, “Atihi samaatti a ꞌdoonta?”

Yoohana 5:6 ပူးပေါင်းရင်းမြစ်များ

Luuka 18:41

“Mehe kiyeelo ꞌdoonta?” Wihi us ilaabe, “Kamur anihi toro il argo ꞌdoona.”

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Yoohana 5:5

Makhaabaloo geeddi guꞌh tomon seyyah ichoow siyyeet ba khannaneet la intaas a kajire.

Yoohana 5:7

Eti khannan wihi us ilaabe, “Eti ween, et chirri bicche loonkorooriye, geꞌdim goya ikalugꞌdo mele. Chirra an geꞌdim kadih adeeh, etoo addan orteey a kadihe.”

Ibiraaniya 4:13

Wohoo rucchule lasoouume Waakh lakadagcho ma jiraan, Waakh ortiis ka walah tuumman a nyiikhsanyahiin one, iꞌdaanu arga. Waha a Waakkhi berri wihi inno yeelle tuumman inno worsati.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.