Yoohana 5:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ “An weeli enenyet koolo ma kayowdi.

Yoohana 5:41 ပူးပေါင်းရင်းမြစ်များ

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

1 'Dessaloonika 2:6

Nah weeli enenyet, atin eheetteey ommos ꞌdooꞌdoo addan eheetteey ka ba, koolo ma kayowan. Nah a ergaano Kiriisto gone, a geeddi kootte nah walah atin leemaranno.

Yoohana 8:50

An koolo ma isiyowdi, iꞌdaasenyi eti anihi liikoolicho ꞌdoono a jira, ulla a eti jiti rummaat ka enenyet hukkumo.

Yoohana 5:34

Toro la yeedi weeli enenyete eti an ahe soocheeko, ani ka a walahba. Iꞌdaasenyi waha a atin isoocheeka ꞌdee Waakh atin riba.

Yoohana 8:54

Yeesso wihi us ilaabe, “Chirri an iskoolicho, koolohaas walah icho ibahaan mele. Eti koolo iꞌdoono a Aabbaheeyki atin a Waakkhiinna elattaan.

Yoohana 6:15

Yeesso la saggi icho miig ka ikhabtaane, icho karnat ikayeelin iꞌdoonaan abte, keley toro haloo inokhte.

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

2 Beetero 1:17

A mehe chirraas us inkaanyit ichoow weynaan Waakkhi Aabbaheene kaꞌhele, hooyi Waakkhi Weyti Ween kayimiy mehe yidah ya, “Waha a Weeleeyki an weyti ꞌdoono, an weyti kahamaado.”

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

Yoohana 5:40

Iꞌdaasenyi atin, atinhi ani itamiitiine ꞌdee jiroti rummaat jirtaan a ꞌdiiꞌddeen.

Yoohana 5:42

Iꞌdaasenyi an rumanka a atin garda, saggi atin rumanka Waakh iꞌdoonin a garda.

Yoohana 12:43

Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.