Yoohana 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Kamur chirri us waha daage ka, boroofenhi Yaꞌhuudiya katabe, toro abattitiis khabaayi boroofenhi Gaalilaaya inokhte.

Yoohana 4:3 ပူးပေါင်းရင်းမြစ်များ

Mattaayo 10:23

Chirri ilkerengeettoo ka sina atin loomhicho, ilkerengeettoo addan ifirda. Rume atin icheeka, geeddi atin hiliin ilkerengeetohi ili Issiraayel tuumman ka imassin, iche Ínam Aadam soonokhta.”

Marko 3:7

Yeesso ichoow abattitiis ba intaas katabeene, beyti Gaalilaaya afiche irteene, ꞌdooꞌdi ittaawenye boroofenhi Gaalilaaya kayimiy la raahe.

Luuka 17:11

Yeesso anki ilkerengeetti weene Yeerusaleem fool siiche, sohtaayi boroofenhi Saamariya ichoow boroofenhi Gaalilaaya dahcho eleele.

Yoohana 1:43

Ibeenki kaas sooraaho ka, Yeesso usuhi boroofenhi Gaalilaaya irti gooche. Fiilif ꞌhele wihi us iyidah, “Kaale abattiteey ateeh.”

Yoohana 10:40

Yeesso ꞌdeerka toro nokhte, hawti Yoordan aficheki ꞌdiri goorat Yoohana ꞌdooꞌd kabaattissiyo imaahe, intaas fiddiye.

Yoohana 11:54

Maantaka Yeesso inti yaafohi Yaꞌhuud kaargaan ma kaassahan. Yeesso intaas katabe, abattitiis khabaayi irte, ilkerengeettoo hidaad haggeenye Efireem layadeeh irte, fiddiye.

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Yoohana 3:22

ꞌDaꞌddaboka, Yeesso abattitiis khabaayi boroofenhi Yaꞌhuudiya ankiiskoo irte, geeddoor leefiddiye, toro la enenyet laka baattissiye.

Yoohana 3:32

Us wihi us arge ichoow wihi us daage ꞌdooꞌd icheeka, iꞌdaasenyi et wihi us cheeke rummeesti mele.

Yoohana 4:47

Eta chirri us saggi Yeesso boroofenhi Yaꞌhuudiya ikayimiyye, boroofenhi Gaalilaaya isoogele daage ka, iirte hawwaaste, ꞌdee a yimaate inankiiski omoottan a samaacho.

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.