Yoohana 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 3:5 ပူးပေါင်းရင်းမြစ်များ

Mattaayo 18:3

Wihi us yidah, “Rume atin icheeka, sammata atin iurgiyine, iꞌdi nyaakhuti rurrucchul iitaahan, koloo kalday laka dakhi goobi Waakh ma gessaan.

Mattaayo 19:24

Toro wihi an atin iadeeh, naffi gaale issi irbi kakhaduutti weyti ꞌhooltahe. Eheet a, ꞌhoossi eti kamurenye dakhi Waakh gelo iche weyti kutta.”

Mattaayo 21:31

“Yeelataas lammache, koh wihi aabbahicho yeela iyidah yeele?” Wihi icho ilaabeen, “Ki ween.” Yeesso chirraakka wihi us iyidah, “Rume atin icheeka, ꞌdooꞌdi inno ꞌdooꞌdi uskeel leh nadeehe, iꞌdi maanta ꞌdooꞌdi kooddi goocho ichoow malaayeyyee, icho ortiin dakhi Waakh gela.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Mattaayo 5:20

A mehe wihi an atin iadeeh, sammata fissanoonkiin ki tagaammeti amurre ichoow Farissaayo ikutin rumanka dakhi goobi Waakh ma gessaan.

Marko 10:14

Chiꞌ Yeesso waha arge ka hollowe wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi Waakh a ki ꞌdooꞌdi iꞌdee.

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Marko 9:47

Chiꞌ issaah uskeel kaaluguꞌddo la, issaas bihi! Atihi issoo laaye dakhi Waakh gesso deefta, atihi indo lammacho khabto, meessi ꞌdabi armaanjireen lakaalugꞌdo ka.

Luuka 13:24

“Hol dowe afafhi juukhe kagel. Iꞌdi tahe wihi an atin iadeeh, ꞌdooꞌdi buure afafhaase kagelin ꞌdoona, iꞌdaasenyi ma yabuuꞌdiin.

Luuka 13:3

Iꞌdaas mee. Iꞌdaasenyi atin laka chirri atin uskeeliin ikasoonokhan, atin tuumman laka a tuuntaan.

Luuka 13:5

Mele! Wihi an atin icheeko, atin laka chirri atin uskeeliin ikasoonokhan, atin tuumman laka a tuuntaan.”

Yoohana 1:13

Nyaakhuta delmaatti sarti weeli enenyet ma kasoouummamine ommos wihi weeli enenyet gooche menye, ommos ꞌdooninti mejel mee. Iꞌdaasenyi Waakh rubeytiissa nyaakhutiis kayeesse.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 3:4

Nikodeemo la wihi us worsate, “Saggoh eti ween toro liidela? Rumanka koli lammaatteet uur abartiis ma inokhti ma dessi!”

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Koriinto 15:50

ꞌDooꞌd Kiriistokaaw, wihi an atin icheeko kallaayo, sarti weeli enenyete jid ichoow diig khabto dakhi Waakh ma muꞌdan. Ommos wihi kheerowo inti berri walah ikakheerowin ma muꞌdan.

1 Koriinto 2:12

Inno rubeyti ꞌdooꞌdi wahanyeyyohi harratane sussuuje raaho ma ꞌheline, Rubeyti Waakh katamiite ꞌhelle, ꞌdee wihi Waakh iꞌdaanu inno siiche abanna.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.

Efeesso 5:26

Kiriisto la iꞌdane yeele, ꞌdee dikhnaanki us bicche ichoow Yeediis ka dikhe ka ururiis munyaacha.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

1 Beetero 3:21

Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.

1 Yoohana 2:29

Chaꞌatin saggi Kiriisto ifissanyahe garattaan, saggi ꞌdooꞌdi tuummane wihi fissan yeelo nyaakhuti Waakh iyahe a garattaan.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.