Yoohana 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 3:3 ပူးပေါင်းရင်းမြစ်များ

Mattaayo 16:17

Yeesso wihi us ilaabe, “Siimon inam Yoohana, ati Waakh a kimaale. Iꞌdi tahe runtaas at cheekte ti weeli enenyet katimiy menye, iꞌdaasenyi Aabbaheeyki serey jiro iche kisoobabbakkaahiche.

Mattaayo 19:24

Toro wihi an atin iadeeh, naffi gaale issi irbi kakhaduutti weyti ꞌhooltahe. Eheet a, ꞌhoossi eti kamurenye dakhi Waakh gelo iche weyti kutta.”

Mattaayo 21:31

“Yeelataas lammache, koh wihi aabbahicho yeela iyidah yeele?” Wihi icho ilaabeen, “Ki ween.” Yeesso chirraakka wihi us iyidah, “Rume atin icheeka, ꞌdooꞌdi inno ꞌdooꞌdi uskeel leh nadeehe, iꞌdi maanta ꞌdooꞌdi kooddi goocho ichoow malaayeyyee, icho ortiin dakhi Waakh gela.

Mattaayo 5:18

Rume atin icheeka, chirri sereyta daayan ichoow harra massataan laka, aytoo rucchul laka amurre Muusa goya ma lakabahcho, ichoowka wihi lachiire tuumman labuuhicha.

Marko 10:14

Chiꞌ Yeesso waha arge ka hollowe wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi Waakh a ki ꞌdooꞌdi iꞌdee.

Marko 9:47

Chiꞌ issaah uskeel kaaluguꞌddo la, issaas bihi! Atihi issoo laaye dakhi Waakh gesso deefta, atihi indo lammacho khabto, meessi ꞌdabi armaanjireen lakaalugꞌdo ka.

Yoohana 1:13

Nyaakhuta delmaatti sarti weeli enenyet ma kasoouummamine ommos wihi weeli enenyet gooche menye, ommos ꞌdooninti mejel mee. Iꞌdaasenyi Waakh rubeytiissa nyaakhutiis kayeesse.

Yoohana 1:5

Banayhaas la mugꞌdi goya kabolkhaane, iꞌdaasenyi mugꞌdi jirtuu ma khaato.

Yoohana 1:51

Wihi us kakhaye, “Rume atin icheeka, goobi Waakh usuhi furane herti Waakh ínam Aadam isookhubatti toro korto a agarta.”

Yoohana 12:40

“Waakh icho indo a tire, uurassicho la dagahnooche, ꞌdeerka indohicho ka il ma argaane, ommos uurassicho ka walah ma abtaan, ommos ani ma isoonokhtaane ꞌdee ma samaacho.”

Yoohana 3:4

Nikodeemo la wihi us worsate, “Saggoh eti ween toro liidela? Rumanka koli lammaatteet uur abartiis ma inokhti ma dessi!”

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.

Efeesso 2:1

Atin ꞌhor anki Waakh ka ꞌdooꞌdi tuume eheet, a mehe atin wahanyeyyohi Waakh a daagiwwaayteene, toro uskeele yeesseen.

Tiito 3:5

inno ribe. Waha la jeenteti inno wohoo fissan iyeelle menye, a jeenteti uurnugleeli Waakh on. Usu Rubeyti Munyeenye jiroteen dikhto, delmaatti husub ichoow jiroti husub inno siisso ka, a inno ribe.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Yoohana 2:29

Chaꞌatin saggi Kiriisto ifissanyahe garattaan, saggi ꞌdooꞌdi tuummane wihi fissan yeelo nyaakhuti Waakh iyahe a garattaan.

1 Yoohana 3:9

Etoo kaldaye nyaakhuti Waakhenye uskeel goya kaassohti mele. Us jiroti Waakhe husube jira, uskeel goya kaassohan ma yabuuꞌd, a mehe us a nyaakhuti Waakh kichokoo.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

1 Yoohana 5:18

Wihi inno garanni, ꞌdooꞌdi tuummane nyaakhuti Waakhe uskeel goya ma kaassohti. Weeli Waakhe icho toorribá, Seytaanki uskeel leh icho iꞌdoor rucchul laka ma yeelo.

1 Yoohana 5:4

A mehe ꞌdooꞌdi tuummane nyaakhuti Waakhe harrata suuje a soorichaan. Saggane harrata isoorinna, Yeesso kakhuufna.

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.