Yoohana 21:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Yoohana 21:2 ပူးပေါင်းရင်းမြစ်များ

Yoohana 4:46

Yeesso toro ilkerengeetti Kaana boroofenhi Gaalilaaya kajirto us bicche kuurgiyiche farsoti sabiib kayeele inokhte. Ilkerengeetti Kafarnaaꞌhum ka la, etoo sirgaal ka weene inankiis weyti khannanyahe a jira.

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Yoohana 20:28

Toomas chirraakka, “Ati a Kamuraaya, toro la a Waakkhaaya,” iyidah.

Yoohana 11:16

Toomashi Manꞌdaan layadeeh, wihi us abattiti addan iyidah, “Inno tuumman eti ween raahno, ꞌdee inno tuumman a leetuunno.”

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Luuka 5:10

Yeele Sebedaayoti iche laka Siimon walhisse, Yaakoobo ichoow Yoohana leh laka weyti girmeysatte. Yeesso la wihi us Siimon iyidah, “Roorro akhabin. Uus toolla kakhabatti, enenyete Waakh ikeenta.”

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Marko 1:19

Yeesso iꞌdaaru marah on orey isohte, Yaakoobohi inam Sebedaayee ichoow walaaliiski Yoohana layadeeh ichehi kooban goya fiddiito, oroohti bahag lakakhabti haagsatti arge.

Yoohana 2:1

Ibeenki seyyahnaatteet ka, oroosoo ilkerengeetti Kaana boroofenhi Gaalilaaya kajirto ka lagele. Abar Yeesso la intaas a kajirte.