Yoohana 2:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Wihi us ꞌdooꞌdi kutukuurrug ororicho iyidah, “Kutukurrugtaas inta kabahcha. Min Aabbaheey uurgiyinna sokko akayeelina!”

Yoohana 2:16 ပူးပေါင်းရင်းမြစ်များ

Mattaayo 21:12

Yeesso uranti minki Waakhe buure gele, ꞌdooꞌdi intaas ka walah gatti ichoow ki walah ororicho tuumman rihe. Komborohi balballaaddane ꞌdooꞌdi chilimmeti ilassi addan iskadooricho leeyahe ichoow komborohi ꞌdooꞌdi kutukuurrug ororsati ba rerreeche,

Mattaayo 21:13

wihi us iyidah, “Wihi chiiran, ‘Minkeey minki weysiite layadeeh,’ iꞌdaasenyi, ‘inti ꞌdooꞌdi hatto leh kadagti,’ iche kayeesseen.”

Mattaayo 22:5

“Iꞌdaasenyi icho wahaas nabah ma isudine, ebba hiliissa on gele. Koo gosiis goya irte, koo la meessi us koororsati irte.

Marko 11:17

Enenyet ayti Waakh abche, wihi us iyidah, “Wihi chiiran, “ ‘Minkeey mehe layadeeh ya, minki weysiite, ꞌdooꞌdi harra tuumman,’ Iꞌdaasenyi, ‘inti ꞌdooꞌdi hatto leh kadagti,’ kayeesseen.”

Luuka 2:49

Yeesso la wihi us worsate, “A iꞌdoh iyowattaan? Saggi an min Aabbaheey ifiddiyo ma garattaan a?”

Yoohana 10:29

Aabbaheeyki dahanteey soogesse walah tuumman a kaweenyahe, jeentetaas u la, et dahan Aabbaheey kabihin yabuuꞌd mele.

Yoohana 2:15

ꞌDeerka yabarretoo laajja kayeesse, icho tuumman ichoow iiy ichoow looyyo ba uranti minki Waakhe buure karihe. Komborohi balballaaddane ꞌdooꞌd chilimme iskadooricho rerreeche, chilimme la seley turraaꞌhiche.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Yoohana 5:17

Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.”

Yoohana 8:49

Yeesso la wihi us ilaabe, “Ani ginna ma idakhatti. Iꞌdaasenyi an Aabbahaaya koolo ikeena, atin la lakhaanyo ikadowtaan.

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.