Yoohana 17:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ “Icho a iweesda. ꞌDooꞌdi harra tuumman ma iweesdi, iꞌdaasenyi ꞌdooꞌdi at isiisse iweesda. Iꞌdi tahe icho a wahaahha.

Yoohana 17:9 ပူးပေါင်းရင်းမြစ်များ

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

Luuka 23:34

Yeesso wihi us yidah, “Aabba, ꞌdooꞌda uskeelicho ikakut! Iꞌdi tahe wihi icho haaggichaan ma gartaanee.” Kura guꞌddateene gaaddiis gisante.

Luuka 8:34

Chirri ꞌdooꞌdi golcha yaakhicho wihi yitah arge ka, orye woraas ilkerengeet ichoow ilaas dakkhan kataaꞌhiche.

Yoohana 14:16

Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 17:20

“Icho kalday ma iweesdi, ꞌdooꞌdi wori icho cheekaan ka ani irummeesti laka a iweesda.

Yoohana 17:6

“ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.