Yoohana 17:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo Yeesso waha yidah ka, serey yeye, Waakh wahte, wihi us yidah, “Aabba, ibeen a yitah. Weelaah weynaay, ꞌdee Weelaah a kiweynaacho.

Yoohana 17:1 ပူးပေါင်းရင်းမြစ်များ

Marko 14:41

Koli seyyahnaatteet soonokhte, wihi us iyidah, “Atin uliba a uꞌdurtaane, nassaan? A geeddaas on! Sahaꞌde a titah. Yeya, Ínam Aadam ꞌdube lagoocha, dahanohi ꞌdooꞌdi uskeel leh lagessa!

Luuka 18:13

“Iꞌdaasenyi eti kooddi goocho foga tolossate. Ulla serey laka ma yeyine, iꞌdaasenyi kach isguꞌdde, ꞌdee saggi us uskeeliis ka suujoon iargo tuse, wihi us yidah, ‘Okkhoow aniha uskeel leh uur isoonugleyso.’

Luuka 22:53

Maan tuumman ani uranti minki Waakhe buure ka a atin leejire, atin la ma ikhaban. Iꞌdaasenyi waha a sahaꞌddiinna, a sahaꞌddi Seytaanki karnati mugꞌdee atin anti.”

Yoohana 11:4

Chirri us waha daage ka, Yeesso wihi us yidah, “Khannaata omoot ma kamassati. Khannaata a yateehe ꞌdee Waakh laweynaacha, ꞌdee khannaata ka Weeli Waakh laweynaacha.”

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

Yoohana 12:23

Yeesso wihi us ilaabe, “Sahaꞌddi Ínam Aadam laweynaacho kola a titah.

Yoohana 13:1

Geeddi ibeenki daawti Baasakka iitaahan, Yeesso saggi ibeenki us harrata katabo, us Aabbahiis iirti kola iyitah garte. Yeesso la ichoowka maanti jirotiisti harrata soomassatti laka, ꞌdooꞌdiis a ꞌdoone.

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.

Yoohana 7:30

Waha ka ꞌdooꞌd Yeesso khaban leheete, iꞌdaasenyi et usu khabte mele. Iꞌdi tahe ibeenki liichiire lakhabti, uliba a ankhanyahe.

Yoohana 7:39

Yeesso yeedaas ka la, wihi us woriis kayeyyeedo, a Rubeyti Munyeenye, ꞌdooꞌdi usu rummeeste sooꞌhelo. Geeddaka uliba Waakh ꞌdooꞌdi Kiriisto rummeeste Rubeyta Munyee ma siin. A mehe Yeesso geeddaakka goobi Waakh ka ma laweynaan.

Yoohana 8:20

Yeesso inti minki Waakhe buure ka saanduukhi sadakha lakachibo yaal, iche ꞌdooꞌd walah kaabche, toro wahaas tuumman keesse. Et usú khabte la mele, a mehe ibeenkiis uliba a ankhanyahee.

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.