Yoohana 15:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso toro wihi us yidah, “An a iꞌdi geeyi sabiibe rummaate, Aabbaheey la a eti gos hil kahaaggicho.

Yoohana 15:1 ပူးပေါင်းရင်းမြစ်များ

Mattaayo 15:13

Yeesso wihi us ilaabe, “Icho a iꞌdi geeyi Aabbaheeyki serey jiro rubeytiis il ikatoollinne, Aabbaheey bukkhicho.

Mattaayo 20:1

“A mehe dakhi goobi Waakh a iꞌdi etoo gosi sabiib khabo. Maantoo baryo ka, irte ꞌdooꞌdi us kireesti gosiis hil kahaaggicho yowte.

Mattaayo 21:33

“Mammahtoo addan dagansada. Etoo gos lehe geeyohi sabiib gosiis goyaka il gesse a jire. Gos la oot kamarche inti gurnaanki sabiib lakayabti khute. Koondihi deere eti gos yaakhicho fiddiyo laka dise. ꞌDeerka gosiis lakireeste, ulla iloo deer sulhaal kiirte.

Marko 12:1

Yeesso ꞌdeerka makhaaballetaas mammah ka wihi us iyidah, “Etoo geeyohi sabiibe gosiis goyaka il gesse. Gos ootti dagaheet kamarche, lunki gurnaanki sabiib lakayabti khute. Koondihi deere eti gos yaakhicho fiddiyo, laka dise. ꞌDeerka gosiis lakireeste, ulla iloo deer sulhaal kiirte.

Luuka 13:6

Yeesso ꞌdeerka mammahta ꞌdooꞌd ibahche, “Etoo goorat geeyi fiige gosiis goya katoolliche. Ulla irte geeyaas yeyyeye, gurnaan kayowte. Iꞌdaasenyi, gurnaan us geey kaꞌhele mele.

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Yoohana 6:32

Yeesso la wihi us icho iyidah, “Rume atin icheeka, eti gololi goobi Waakh kayimiy atin siiche Muusa mee. Iꞌdaasenyi Aabbahaaya gololi rummaate serey kayamiit atin siicha.

Yoohana 6:55

A mehe sarteey a gololi rummaate, diiggeey la chirri ladame, rumanka rubey nolole ikeena.

Rooma 11:17

A iꞌdi liikhimohoo geeyi oolife gos goyaka bahe geeyaas lakasoojebche. Atinhi ꞌdooꞌdi ilassi addane iꞌdi liikhimohi geeyohi oolife yibaat u, a atin lasookhaate geeyi gos goya kabahe atin lakakabe. Maantaka atin laka subakki hiiyyassi geeyaas oolif kayamiit a ꞌhessaan. Geeyaas oolif la a iꞌdi ꞌdooꞌdi Issiraayel.

1 Koriinto 3:9

Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.

1 Yoohana 2:8

Eheet a, amuroo husube atin isoochiira. Runtiis goytiis ichoow goytiinna lakaarga. A mehe banayhi rummaat a bildiikhaane, mugꞌdi la baaba.