Yoohana 10:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasenyi iiye eti ersinkicho ieheynan ma raahto a kafiridda, iꞌdi tahe hooyiis ma garatti.”

Yoohana 10:5 ပူးပေါင်းရင်းမြစ်များ

Marko 4:24

Toro wihi us iyidah, “Waha atin daagtaan la, weyti dagansada. Geeddi atin ꞌdooꞌdi addan iyeessaan geeddaase atin liiyeela, toro la ꞌdirihiis atin liiyeela.

Luuka 8:18

Maantaka wihi atin liidowo mujjum daaga giꞌde. Eti tuummane wihi dahan lagesse mujjum woywoye a liikakhaya. Iꞌdaasenyi eti wihi dahan lagesse mujjum iwoywoyin, wihi us kol us khabo koogyahe laka a lakakhaata.”

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 10:4

Chirra us iiy tuumman tumo, orcheeda raaha, iiye la ꞌdubiis raahta, iꞌdi tahe iiye hooyiis a garatta.

2 Timooti 4:3

A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

1 Yoohana 2:21

Jeenteti atin runtaas igaran mee khadaaba atin ikasoochiiro, a jeenteti atin igarattaan ichoow jeenteti beentoo rucchul laka rum ikiimaatan.

Bakkaahit 2:2

Wihi atin yeessaan ichoow holi atin dowtaan ichoow saggi atin igarrahsattaan a garda. Saggi atin ꞌdooꞌdi uskeel leh iꞌdiiꞌddaan a garda. ꞌDooꞌda ergaano Kiriisto iskaayyeelo iꞌdaasenyi ieheynan a kajjeene, beenticho agarteen.