Yoohana 10:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Eti arit yaakhicho la ersim arite ifaha. Iiye la geeddi ersim iche tuumman magahenyetiche kaawwaho hooyiis a daagta. Ulla toro iiy a tuma, toro iiy ortiche raaha.

Yoohana 10:3 ပူးပေါင်းရင်းမြစ်များ

Yoohana 10:14

“An a ersinki haaggan. Iiyteey a garda, iiyteey la a igaratta.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 10:4

Chirra us iiy tuumman tumo, orcheeda raaha, iiye la ꞌdubiis raahta, iꞌdi tahe iiye hooyiis a garatta.

Yoohana 10:9

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 6:45

Khadaaboo eti Waákh íyeyyeedo wihi kachiiran, ‘Weeli enenyet tuumman Waakhe walah abchá.’ Eti tuummane wihi Aabbaheey essi daago toro la wohoo kaabti, ani iyamiit.

Rooma 8:30

Toro la ꞌdooꞌdaas us ꞌhor saggi us iꞌdi weeliis ikayeelo gooche, wahe. ꞌDooꞌdaas us wahe la ꞌdooꞌdi fiffissan iekkaache. ꞌDooꞌdaas us ꞌdooꞌdi fiffissan iekkaache la, saggi us weynaantiis ileegismo iayyiche.

1 Koriinto 16:9

Iꞌdi tahe aritti ballaaddane ꞌdee an hili khumman kahaaggicho a liifure chirri ꞌdooꞌdi buure itirrimo laka.

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.

Kolossaay 4:3

Geeddaas la toro Waakh nah isoowaha, ꞌdee Waakh aritti nah wori Waakh kacheekno a nah ifaho. Wora la a wori goorat dagsane Kiriisto miinsan. Anna jeenteti worane jeela ikajira.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

1 Yoohana 4:6

Inno a ki Waakhe eti tuummane Waákh garti la wihi inno ꞌdooꞌd abinno a raaha. Iꞌdaasenyi eti Waakh ikiimaatan ma inno daago. Saggane eti Rubeyti Waakh khabo ichoow ki rubeyti beenaate Seytaan khabo seley ibihinna.

3 Yoohana 1:14

Anihi dowwanoha ka kisooꞌdaaro khajjeela afaah ꞌhela.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”