Rooma 8:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Rooma 8:7 ပူးပေါင်းရင်းမြစ်များ

1 Koriinto 2:14

Eti tuummane Rubeyti Waakh ikhabin, wihi Rubeyti Waakh kayimiy ma khaatti, a mehe usu ka waha a ꞌdalammoon on. Toro wahanyeyyoha aban ma yabuuꞌd a mehe Rubeyti Munyeenye gargaarto ma khabo gon.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

Rooma 7:22

A mehe ani maleey goyaka weyti amurreti Waakh kahamaada.

Ibiraaniya 8:10

Inkoo ibeennetaas kutte ayyinteeyti husube an ꞌdooꞌdi Issiraayel igoocho talla, iche Kamur essa. Amurreteey malichooda goya gessa, ꞌdee kamassaan, uurassicho goya kachiira, ꞌdee raahaan. An Waakkhichooda ateehe, icho la ꞌdooꞌdaaya yateehiin.

2 Timooti 3:4

Toro la aalassiis ꞌdub goocha, walah tuumman ka walah ma ibaalaane, weyti serey isgeechaane, wihi harrata Waakh ꞌdirihiis ꞌdoonaan.

Kolossaay 1:21

Atin goorat ꞌhor Waakh foga ileejirteene, maliin ka chiiytiissa eheet jeenteti atin uskeel iyeesseen u.

Rooma 8:4

ꞌdee jiroteen ka wihi fiffissane amurretaas inno kaꞌdoonto tuum labuuhicha. A mehe wihi uurasseen goya kijiro uskeel imoono ichoow jiroteen ma israahaane, Rubeyti Waakh ichoow jiroteen a israahaan.

Rooma 5:10

Iꞌdi tahe inno chiiyti Waakh nahaayi, Waakh omootti Weeliis ka ankiis inno keene. Toolla Waakh ankiis inno keene la, geeddoo meheenye jiroti Weeli Waakh ka inno lariba!

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

Rooma 1:30

ꞌDooꞌda enenyete hanta toro la Waakh ꞌdiiꞌddayyahiine, enenyet leeabaarrama, enenyet a rannyaane toro isatahnoochaan. Kol tuumman la jiti icho suujoon kayeelaan on mal kadowtaane, toro la ꞌdooꞌdi dele ma daagaan.

Mattaayo 12:34

Dessi toof! Saggoh wihi haaggan itadeehiin chirri atin uskeel kajirtaan? Iꞌdi tahe wihi uuraah goya buuho iche afaah leeyamiit.

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

Mattaayo 5:19

Eti tuummane amuri amurreti Waakh goyaka rucchul laka jebche, toro la ꞌdooꞌdi addan laka iꞌdaas yeela iyadeeh, dakhi goobi Waakh ka walah us yahe mele. Iꞌdaasenyi eti tuummane amurretaas raahe, ꞌdooꞌdi addan iꞌdi iche ichiirantahe abche la, dakhi goobi Waakh ka a weenyahe.

1 Koriinto 9:21

ꞌDooꞌdi amurre Muusa ikhabin ka la, an iꞌdi eti amurre Muusa ikhabine iskayeele, ꞌdee iꞌda ka ꞌdooꞌdi amurreta ikhabin Kiriisto ikeena. Iꞌdaasenyi an amurreti Waakh ma ꞌdiiꞌdo, toro la amurre Kiriisto ianatta.

Kolossaay 2:18

Uus etoo kalday laka herti Waakhe lawahti icho ꞌdoonaan ka ichoow isnuglaanti beenaat ka atin hukkumine kalaꞌddiin atin tirin. Eti iꞌdaase wihi us weyti kaayyeedo a fooltabchoti us kolossoo arge. Jeenteti mali us khabo ki ꞌdabakkhi weeli enenyet iyahuu, us wihi ilmarhaatteete keeylaja.