Rooma 7:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Iꞌdaasenyi uskeel aytoo amurretaase kasookoosse, maanjeeroti nool goyteey kadele. A mehe chiꞌ amurre ijirin, uskeel a wihi yumuy.

Rooma 7:8 ပူးပေါင်းရင်းမြစ်များ

Marko 7:22

Wihi addan a mejeli makhaabassi tiis ieheynan leeurꞌdo, ꞌdamaam, uskeeli layeelo, ekkeysi, sohoꞌddarri, kalꞌdarri, ham, rannyaat ichoow ꞌdalammoon.

Yoohana 15:22

“Chirri goorat an iimaatane an icho ileeyyeedin, uskeel lakacheekti mele gon. Iꞌdaasenyi toolla uskeelicho ka walah icho laabaan mele.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

Rooma 7:11

A mehe uskeel alohaas amurre kasookoosse, iekkeeste alohaas amurre ka iyigis.

Rooma 7:13

ꞌDeerka amurretaas haaggane ani omoot ikeente? Mele, iꞌdaaru laka iꞌdaas mee. Uskeele iꞌdaas yeele, amurretaas haaggan kasookoosse, omoot keene ꞌdee uskeel saggi us rumanka uskeel iyahe laarga. Toro la alohi amurre saggi uskeel rumanka wihi weyti suuje iyahe iche inno tusaan.

Rooma 7:17

Iꞌda ka ani mee suujoonka yeelo, iꞌdaasenyi a uskeeli goyteey kajiro.

Rooma 7:9

Ani rubeyteey goorat ꞌhor geeddi amurre Muusa wohoo ileeheynan laka a jire on. Iꞌdaasenyi inkoo an wihi aytoo amurre ꞌdiiꞌddo abde, iche uskeeli nool yeelin ꞌdoone.

1 Koriinto 15:56

Omoote uskeele miigti iche enenyet kabolkhisso kaꞌhessa. Uskeel la amurreti Muusa chiire iche miig kaꞌhela.