Rooma 7:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Wihi an tissibo, walah haaggane goyteey kijiro mele, saggaas on u wihi uureey goya kijiro uskeele imoonaan. A mehe an haage yeelin imoona iꞌdaasenyi yeelin ma abuuꞌd.

Rooma 7:18 ပူးပေါင်းရင်းမြစ်များ

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Luuka 11:13

Chirri atinhi uskeel leh ba nyaakhutiin siinti haaggan siissaan, Aabbahiinki serey jiro la geeddoo meheenye ꞌdooꞌdi usu Rubeyti Munyee daahe siicha!”

Yoohana 3:6

Weeli enenyet sartiis aabbahiis ichoow abartiissa kaꞌhela, toro la rubeyti weeli enenyet, Rubeyti Munyeenye jiro kaꞌhessa.

Rooma 13:14

Taba giꞌde sagag tuumman ka Yeesso Kiriistohi Kamure iꞌdiis ateeha, toro la wihi uurassiin goya kijiro uskeel imoono koloo kalday laka araahina.

Rooma 7:15

Ani rubeyteey wihi an yeelo ma gardi ba. A mehe wihi an ꞌdoono ma yeelo, wihi an ꞌdiiꞌddanahe on yeela.

Rooma 7:19

A mehe wihi an yeelo, haaggi an yeelin ꞌdoono menye, suujoonki an yeelin iꞌdoonin iche yeela.

Rooma 7:25

Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure. Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.

Rooma 7:5

A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne.

Galaatiya 5:17

A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Fiiliffi 3:12

An laka uliba wahanyeyyohaas an eldi iꞌdi goorat Waakh ikaꞌdoonuu tuum a itah ma eldi. Iꞌdaasenyi Yeesso Kiriisto ikhuccha. An kol tuumman hole dowa, wahaas Yeesso Kiriisto ꞌhor ikhabte ani laka khabda.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.