Rooma 6:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Rumanka waha a garattaan! Maanti inno labaattissiye inno ichoow Yeesso Kiriisto ba wohoo kalday nitahye, toro omoottiis ka wohoo kalday leenitah.

Rooma 6:3 ပူးပေါင်းရင်းမြစ်များ

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Hilassi Ergaano 19:5

Chirri icho waha daageen ka magah Yeessohi Kamure ka labaattissiye.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Hilassi Ergaano 8:16

Iꞌdi tahe ꞌdooꞌdaas magah Yeessohi Kamure on lakabaattissiye menye, Rubeyti Munyee uliba ma isooyagin.

Rooma 6:16

Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

Rooma 6:8

Kiriisto a leenumuy gone, wihi inno rummeysanni a mehe ya, inno laka usu a leejirra.

Rooma 7:1

ꞌDooꞌd Kiriistokaaw, an atinhi amurre Muusa wihiche garattaane atin leeyyeeda, saggi amurretaas enenyet geeddi us jiro anto ikakhabto ma garattaan a?

1 Koriinto 10:2

Icho tuumman mirisa ka ichoow beyta buure ka a iꞌdoo labaattissiye ꞌdooꞌdi Muusa raaho lakayeele.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

1 Koriinto 15:29

Chirri Waakh ꞌdooꞌdi goorat tuume omoot ikasookahin, ꞌdooꞌdi iroonoti ꞌdooꞌdi tuume liibaattissiyo la mehe yeela? A iꞌdoh ꞌdooꞌda iroonoti ꞌdooꞌdi tuume liikabaattissiya?

1 Koriinto 3:16

Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela.

1 Koriinto 5:6

Atin a eylajjaane, wahaas la ma haaggan. Saggi chirri makaate lahaaggicho booddati makaate fuurisso too rucchul liikakhayo ꞌdee makaate tuumman weyti ifuurto weyti garattaan. Iꞌdaasu la etoo uskeel khabo, rabitohi enenyet tuumman a suujaacha.

1 Koriinto 6:19

Atin saggi sartiin iꞌdi minki Rubeyti Munyeenye Waakh atin siiche goya fiddiito itahe ma garattaan a? Atin kiin menye, atin a ki Waakh alah.

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

1 Koriinto 9:13

Saggi eti minki Waakhe buure hil kahaaggicho gololiis minkaas ikaꞌhelo ma garattaan a? Toro la eti chalag hil kahaaggicho wihi chalagtaas lakasoorriyoocho miil kakhaba.

1 Koriinto 9:24

Saggi atin igarattaan u ꞌdooꞌdi iskabahsati icho tuummane orya, iꞌdaasenyi etoo kalday on ꞌdooꞌd sooricha ꞌdee wihi laꞌhelo ꞌhela menya? Atin laka saggaas iorya ꞌdee wihi ꞌdooꞌd lasiicho ꞌhela.

2 Koriinto 13:5

Mujjum isfiiricha usu atin rumanka kakhuufnaanki Kiriisto lakakhuufo khabtaan yeya. Ebba a iskajo. Saggi Yeesso Kiriisto goytiin ikajiro kasooꞌhela. Chiꞌiche iꞌdaas ieheynan, kajmeti atin lakajo ka a kufteen.

Galaatiya 3:27

A mehe atinhi baattissiyo ka atin ichoow Kiriisto ba wohoo kalday tahiin, a iꞌdoo atin jiro Kiriisto iꞌdi gaadeet u gessatteen.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

1 Beetero 3:21

Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.