Rooma 4:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasenyi weeli enenyet jeenteti wihi us haaggicho menye, jeenteti us Waakkhi ꞌdooꞌdi uskeel leh ꞌdooꞌdi fiffissan iekkaacho ikakhuufo, iche Waakh eti fissan iekkaacha.

Rooma 4:5 ပူးပေါင်းရင်းမြစ်များ

Marko 9:23

“Chaꞌat wohoo tabuuꞌd a?” Yeesso yidah, “Eti Waakh on rummeesti walah us iubaaꞌdan mala.”

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Yoohana 6:29

Yeesso wihi us ilaabe, “Wihi Waakh atin kaꞌdoono, a atinhi eti us sooerge rummeysattaan.”

Rooma 10:3

Icho jiti Waakh enenyet ꞌdooꞌdi fiffissan iekkaacho ma aban. Icho awtichooda on u jiti icho ꞌdooꞌdi fiffissan iskayeelaan yowtaan. Icho jiti Waakh enenyet ꞌdooꞌdi fiffissan iekkaacho raahin a ꞌdiiꞌdeen.

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Rooma 4:24

Iꞌdaasenyi ayta inno laka a inno ichiirantahe. Chiꞌinno Waakkhi Yeessohi Kamureene omoot kasookahche inno rummeysanni, Waakh inno laka ꞌdooꞌdi fiffissane inno iekkaacha.

Rooma 4:3

Chiirnaanneti Waakh mehe kachiiran? “Aburaaham wihi Waakh yidahye rummeeste, Waakh la usu eti fissan iekkaache.”

Rooma 4:6

Saggaas on u karnati Dawuud layadeeh, eti rumanka Waakh imaale eti fissan iekkaacho a cheeke. Eti iꞌdee jeenteti holi us dowo mee Waakh eti fissan iekkaacho. Wihi us essi la kallaayo,

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.