Rooma 3:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

Rooma 3:9 ပူးပေါင်းရင်းမြစ်များ

Luuka 7:39

Eti Farissaayo Yeesso golol iwahe chirri us waha arge ka, wihi us uuriis goyaka yidah, “Chirri kootte rumanka eta eti Waákh íyeyyeedo yahe, makhaabassa ꞌdaꞌddaarto eti iche tahe a garta, saggi iche uskeel ikaassohatte a garta!”

Rooma 1:18

Waakh goobiis on ka, saggi us ꞌdooꞌdi jiroticho ka usu ꞌdiiꞌdo toro uskeel yeelo ikahollowo a tusa. Uskeela ka la, ꞌdooꞌda runti Waakhe laabti iche ꞌdooꞌdi addan kajeycha.

Rooma 11:32

Maantaka Waakh weeli enenyet tuumman ꞌdooꞌdi lahide usu raahin ꞌdiiꞌde kayeele. Ulla iꞌdane yeela, ꞌdee icho tuumman uur inugleesta.

Rooma 11:7

Mehe ꞌdeerka nidaahe? ꞌDooꞌdi Issiraayel wihi us weyti yowte ma ꞌheline, iꞌdaasenyi ꞌdooꞌdi Waakh soobahsate iche waha ꞌhele. ꞌDooꞌdi addane Waakh ikakhuufin Waakh matahenyeticho a dagahnooche.

Rooma 2:1

Maantaka atihi etoo addan uuraah goyaka hukkunto, wihi ati isikaayyeeddo ma khabto. Iꞌdi tahe walahbaaw at etoo addan uuraah goyaka kahukkunto, a iꞌdoo at uskeel isigoosso. Iꞌdi tahe wihi etaas yeelo on at laka yeessa.

Rooma 3:1

Kamalda bal, yaafohi Yaꞌhuude Waakh soobahsate ꞌdeerka yaafohi Yaꞌhuud ieheynan saggoo a ikadeefaan? Toro la khandihaas Yaꞌhuud indigirtoo khabaayi?

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Rooma 3:5

Iꞌdaasenyi chirri inno ꞌdooꞌdi khokkhollokkhan nahe waha la saggi Waakh tuum ifissanyahe ꞌdooꞌd rumanka tusaan, mehe nidaaheey? Waakh chuꞌus holiis inno tuso, a khollokkhayyahe nadeeh? Waha abda, an saggi ꞌdooꞌd gaasoo iyeyyeedo iche iyeyyeeda.

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

Rooma 7:14

Inno tuumman saggi amurre Muusa Waakh ikatimiy a garanna. Iꞌdaasenyi ꞌdabakkhi weeli enenyete an khabo Waakh ma kayamiite, ani iꞌdi bowꞌduu uskeele liiororiche.

1 Koriinto 10:19

Iꞌda ka mehe elda ya, soorriyoti iyookkoyyohi waakkhakh lakayeessi liibahche ommos iyookkoyyoha waakkhakh lakayeessi walah icho yahiin mele.

1 Koriinto 14:15

ꞌDeerka mehe yeelo? Rubeyteey ka Waakh a wahda toro maleey ka laka Waakh a wahda. Rubey ka Waakh a saaꞌda toro maleey ka laka Waakh a saaꞌda.

1 Koriinto 4:7

Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Fiiliffi 1:18

Iꞌdaasenyi wahaas walah icho ileeyahiin mele! Wihi khumman, jitat tuumman ka, uuri suuje ommos uuri haaggan eheetteey ka ba, a wor Kiriistoki lacheeko. Anna jeentetaase weyti ihamaada. Rumanka la toro oreye isohda weyti hamaada.