Rooma 3:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaas mee! Chirri weeli enenyet tuumman been goocho laka, Waakh rume leeyahe. Iꞌdi liichiiruu, “ꞌDee atihi Waakhe saggi at rum on ikaayyeeddo laarga, toro la saggi at ꞌdooꞌdi wohoo kaacheekti isoorisso laarga.”

Rooma 3:4 ပူးပေါင်းရင်းမြစ်များ

Mattaayo 11:19

Ínam Aadam a yimiyye, golossate, farsoti sabiib laka dame icho la mehe essaan ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’ Iꞌdaasenyi kharati Waakh runtiche wihi iche yeesso lakaarga.”

Luuka 20:16

A yamiite, ꞌdooꞌdaas gos kireeste bakkicha ꞌdee gos ꞌdooꞌdoo addan gessa.” Chirri ꞌdooꞌd ayta daage ka wihi us yidah, “Waakh meesseen bujiiy!”

Yoohana 3:33

Chiꞌ etoo yeediis kakhuufe, etaas saggi wihi Waakh yidah rum iyahiin, iche tusa.

Rooma 11:1

ꞌDeerka wihi an worsadi, Waakh ꞌdooꞌdiis a ꞌdiiꞌde? Mele, iꞌdaaru laka ma ꞌdiiꞌdin! Ani rubeyteey a ꞌdooꞌdi Issiraayele, hiiy Aburaahame kiimiyye, a yaaf Beenjameen.

Rooma 11:11

Toro wihi an worsadi, ꞌdooꞌdi Issiraayel goorat a tarraantarrate ichoowka sookahin agaafte? Mele! Iꞌdaaru laka iꞌdaas mee. Jeenteti ꞌdooꞌdi Issiraayel Waakh idaagiwwaaye, iche Waakh ꞌdooꞌdi yaafohi Yaꞌhuud ieheynan iribe, ꞌdee ꞌdooꞌdi Issiraayel inaafi us ꞌdooꞌdi yaafohi Yaꞌhuud ieheynan us kiinaafo gesse.

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

Rooma 6:2

Mele, iꞌdaas mee! Inno a iꞌdoo inno wihi uskeel miinsan ka tuunne, uskeel kola ma inno dakhti, ꞌdeerka uskeel goya ma kaassahanni gon.

Rooma 7:13

ꞌDeerka amurretaas haaggane ani omoot ikeente? Mele, iꞌdaaru laka iꞌdaas mee. Uskeele iꞌdaas yeele, amurretaas haaggan kasookoosse, omoot keene ꞌdee uskeel saggi us rumanka uskeel iyahe laarga. Toro la alohi amurre saggi uskeel rumanka wihi weyti suuje iyahe iche inno tusaan.

Rooma 7:7

Toollaka wihi inno elanni kamalanni. Amurre Muusa rubeyche a uskeele nadeeh? Mele! Iꞌdaaru laka iꞌdaas mee! Amurretaas rubeycheeda ani wihi uskeel rumanka yahe iabisse. A mehe chirri amurre, “Wihi etoo addan amaanjeeran,” iidaahan, ani rubeyteey wihi etoo addane lamaanjeerti suujoonkicho ma abdi ba.

Rooma 9:14

Mehe ꞌdeerka nidaahe? Waakh wihi us ꞌdooꞌdi yeerare igoocho ka a khollokkhanyahe? Iꞌdaaru laka iꞌdaas mee!

1 Koriinto 6:15

Atin saggi sartiin miili sar Kiriisto itahe ma garattaan a? An sar Kiriisto a khaata ichoow sarti malaaya ba too kalday kayeela? Waakh meesseen bujiiy!

2 Koriinto 1:18

Iꞌdaasenyi saggi Waakh liikakhuufuu, woreenyoki nah atin ikeenne laka koloo kalday, “Aa,” ichoow, “Mele,” ma isleeyadeeh.

Galaatiya 2:17

“Toollaka nahi Yaꞌhuud Kiriisto a kakhuufne ꞌdee Waakh ꞌdooꞌdi ortiis ka fiffissan nah iekkaacha. ꞌDooꞌdoo Yaꞌhuud ka la, ꞌdooꞌdi uskeel lehe nah liiekkaacha. Kiriisto uskeelaas nah kalugꞌde? Waakh meesseen bujiiy!

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

Galaatiya 6:14

Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

1 Yoohana 5:10

Eti tuummane saggi Yeesso Weeli Waakh iyahe rummeesti, wihi Waakh essi a rummeesta. Eti tuummane wihi Waakh essi irummeysan la, Waákh eti been lehe kayeele, a mehe wihi Waakh cheeke Weeliis miinsan ma rummeysan gon.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.