Rooma 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Rumanka Yaꞌhuudhi layahe indigirti buurenye khaba. Kolooraat wori Waakh yaafohi Yaꞌhuude dahan lagesse.

Rooma 3:2 ပူးပေါင်းရင်းမြစ်များ

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Hilassi Ergaano 7:38

Maanti ꞌdooꞌdi Issiraayel hidaad ka iskafurte, Muusahaase leejire. Muusahaase Hali Sinnaay ka, Waakh iꞌdi herti Waakh u isoobahe, leeyyeede. Ulla Waakh ichoow aacchinyeteen dahcho kajire. Muusa la Yeedi Waakhe jirtuu tuumman imassan Waakh kaꞌhele inno laka inno isookucche.

Rooma 1:2

Wora Haaggane goorat archiiy on Waakh ꞌdooꞌdi Waákh íyeyyeedo ka ayyiche, icho la Chiirnaanneti Waakhe munyee goya kachiireen la,

Rooma 2:18

Toro la wihi Waakh kaaꞌdoono a abatte, wihi haaggan ichoow wihi suuje seley bihin a tabuuꞌd. Waha la a jeenteti amurre Muusa kiabisse.

Rooma 3:1

Kamalda bal, yaafohi Yaꞌhuude Waakh soobahsate ꞌdeerka yaafohi Yaꞌhuud ieheynan saggoo a ikadeefaan? Toro la khandihaas Yaꞌhuud indigirtoo khabaayi?

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

1 Koriinto 9:17

Chirri ani jeenteti an iꞌdoono on u an Wora Haaggan icheeko, ꞌdeerka kalaꞌd a suga gon. Iꞌdaasenyi, Waakh a isoobahsate hila ikorche sag an ikabahsadi la mele.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

Galaatiya 2:7

Mehe argeen ya, saggaas Waakh Beetero hili us Wori Haaggan ꞌdooꞌdi Yaꞌhuud icheeko ikorche, iche Waakh ani laka hili an Wori Haaggan yaafohi Yaꞌhuud ieheynan icheeko ikorche.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

Ibiraaniya 5:12

Atin geeddi deere ꞌdooꞌd Kiriisto eheet. Kootte geeddee ka, atine ꞌdooꞌdi addan walah abissaan. Iꞌdaasenyi, atin laka toolla wihi Yeedi Waakh ka kolooraat lakasooumho, iche eti atin abcho ꞌdoontaan. Wihi Waakh miinsan ka, atin uliba a iꞌdi nyaakhuti gololi miige ohom iubaaꞌdane, haanu kalday on damo.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Bakkaahit 22:6

Herta Waakh wihi iche ani itidah, “Yeedassa a wihi lakakhuufo, toro la a wihi rummaat. Kamuri Waakhenye Rubeyti Waakh ꞌdooꞌdi Waákh íyeyyeedo siicho, ani laka a isooerge, ꞌdee wihi toolla yateeh ichoow wihi dowannoha ka sooyateeh, falfayyohiis tusa.”