Rooma 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Rooma 2:4 ပူးပေါင်းရင်းမြစ်များ

Rooma 10:12

Waha mehe tusaan ya, eti Yaꞌhuude ichoow eti Yaꞌhuud ieheynan seley ma gaan. Kamur a Kamuri enenyet tuummane, ulla eti tuummane usu wahe, weyti imaala.

Rooma 11:22

Mujjum saggi Waakh uur iꞌdabakhyahe us uskeel ikagarrahsan isiyeya. Waakh ꞌdooꞌdi uskeel kaassohti a hukkuma, sina igoocha. Atin la uuri ꞌdabakhenye atin tusa, chirri atin saggi us iꞌdoono isohattaan. Koli addan la, atin laka Waakh a atin jebcha, atin roga.

Rooma 11:33

ꞌHay! Wihi Waakh garti ichoow kharati Waakh a too geeddohe? Enenna a buure! Ayyo maanta wihi Waakh gooche ꞌdubicho bahcha? Ebba! Toro la ayyo jitiis garta? Ebba!

Rooma 3:25

Waakh Yeesso enenyet ortiis ka soorriyo kayeele, ꞌdee diig Kiriisto ka holiiski us inno ikhabe laaba. Chirri etoo saggi Yeesso soorriyoti Waakh iyahe kakhuufe, uskeeliis a liikakuta. Waakh la Yeesso soorriyo kayeele, saggi us iffissanyahe tusa. Waakh la iꞌdane yeele a mehe us a samacchaare, ꞌdooꞌdi orey uskeel yeele sirbi ma gelin.

Rooma 6:1

ꞌDeerka mehe nidaahe? Uskeeli inno yeello on orey ileesohanna yeella ꞌdee haaggi Waakhe buurenye inno imunneynan kakhayma?

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

2 Koriinto 8:2

Sinayyohi buurenye lakakaje, iꞌdaasenyi hamaadicho weyti buuraate, miskiinkichoki buuraate ka la icho weyti walah diibin ꞌdooneen.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 2:4

Iꞌdaasenyi Waakh weyti uurnugulyahe. Jeenteti ꞌdooninti buurenye Waakh inno ꞌdoonuu,

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Efeesso 3:16

Wihi an Waakh daaho, Waakh ba kamurroonkiiski ween ka, Rubeytiis ka uurassiin miigoocha,

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Fiiliffi 4:19

Waakkheey la kamurroonki weene Yeesso Kiriisto lakaꞌhelo ka, wihi buurenye atin jirotiin ka ꞌdoontaan tuumman a atin siicha.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,

1 Timooti 1:16

Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

1 Beetero 3:20

Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.

2 Beetero 1:11

Iꞌda ka goobi Waakhe jirtuu imassanne Yeesso Kiriistohi Kamureenenye ꞌDoorribeheene dakhti ka weyti atin lasoodowwaacha.

2 Beetero 3:15

Waha la abda, samacchaari Kamureen ribnaanki us enenyet ribo ikhaata. Walaaleenki inno ꞌdoonno Baawulo layadeeh laka kharati Waakh siiche ka waha a atin isoochiire.

2 Beetero 3:3

Koloo la waha abda, ibeenneti ꞌdaꞌddaboot ka ꞌdooꞌdi runti Waakh kachaarti toro suujoonki uurassicho imoonaan kalday on yeelo a soobaha.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

Bakkaahit 2:21

An iche geeddi deer a ꞌdiiche ꞌdee sohoꞌddarritiche a kasoonokhatti, iꞌdaasenyi ma ꞌdoonto.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.