Rooma 2:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Waha la saggane iyateehiin maalinki Waakh Yeesso Kiriisto ka mali weeli enenyete dagsan tuumman hukkumo. Wori Haaggane an cheeko iꞌdaase yadeeh.

Rooma 2:16 ပူးပေါင်းရင်းမြစ်များ

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Luuka 8:17

A mehe walah dagsane liisoobihin mala, ommos walah oboobsane enenyet liiabinne ommos ꞌdow liikasoobihin mala.

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

Hilassi Ergaano 10:42

Waakh la amure nah ibahche, ꞌdee Wori Haaggan ꞌdooꞌd icheekna, toro saggi us eti Waakh soobahsate ꞌdee ꞌdooꞌdi jiro ichoow ki tuume ba ihukkumo iyahe cheekna.

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Rooma 3:6

Iꞌdaas mee! Waakh chuꞌus wihi fissan iraahin, sag us weeli enenyete harrata ihukkumo mele gon.

1 Koriinto 15:1

ꞌDooꞌd Kiriistokaaw, alleya giꞌde, Wori Haaggane an goorat atin icheeke, atin khaatatteene, atin mujjum katolossaan a atin kasooꞌhelcho.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.

Galaatiya 1:11

ꞌDooꞌd Kiriistokaaw, Wora Haaggane an maantaas atin abche ki weeli enenyet kasoouummame mee.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.

2 Timooti 2:8

Saggi Yeesso Kiriistohi hiiy Dawuude omoot liikasookahche akadabin. Wori Haaggane an cheeko a kaas.

2 Timooti 4:1

Waakh ichoow Yeesso Kiriistohi Kamureenenye maanti us soonokhti dakhiis chuukho toro ꞌdooꞌdi tuume ichoow ki jiro ba hukkumo, orcho ka wihi an kiadeeh kallaayo.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Ibiraaniya 9:27

Wihi Waakh gooche a mehe ya, weeli enenyet tuumman ebba koloo on yamuute, ꞌdee Waakh hukkuma.

1 Beetero 4:5

Iꞌdaasenyi ꞌdooꞌda wihi jiroticho miinsane us Waakkhi ꞌdooꞌdi jiro ichoow ki tuume ba hukkumo idowdowo ma kabahsataan.

2 Beetero 2:9

Kamur ꞌdeerka saggi us ꞌdooꞌdi aytiis raaho sinayyohi kajo ikasoobahcho a garta. Toro la ꞌdooꞌdi uskeel yeelo saggi us sina iomhicho ichoowka ibeenki us ꞌdooꞌd hukkumo yateeh laka a garta.