Rooma 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌdi Yaꞌhuud ieheynan amurre Muusa walah iche leetahe mele. Chirri icho uskeel yeelaan, Waakh icho a baabiicha chiꞌ amurreta wohoo ileeheynan laka. Iꞌdaasenyi yaafohi Yaꞌhuud amurre Muusa anatta gone, chirri icho uskeel yeelaane, amurretaas iraahin, Waakh icho amurretaase kahukkuma.

Rooma 2:12 ပူးပေါင်းရင်းမြစ်များ

Mattaayo 11:22

Iꞌdaasenyi wihi an atin icheeko, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Tiiro yiil ichoow ꞌdooꞌdi ilkerengeetti Siidon yiil tuse iche deefta sinati Waakh atin tuso ka.

Mattaayo 11:24

Iꞌdaasenyi wihi an atin icheeko, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil tuse iche deefta sinati Waakh atin tuso ka.”

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Rooma 1:32

Icho wihi fissane Waakh enenyet kaꞌdoono us ꞌdooꞌdi jiroti iꞌdee jiro omoot ikagoocho a gartaan. Eheetteey laka, icho orey on isohtaane, uskeel yeelaane, toro la ꞌdooꞌdi addane wihi iꞌdaase yeelo laka leekhabtaan.

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

1 Koriinto 9:21

ꞌDooꞌdi amurre Muusa ikhabin ka la, an iꞌdi eti amurre Muusa ikhabine iskayeele, ꞌdee iꞌda ka ꞌdooꞌdi amurreta ikhabin Kiriisto ikeena. Iꞌdaasenyi an amurreti Waakh ma ꞌdiiꞌdo, toro la amurre Kiriisto ianatta.

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Yaakoobo 2:10

Iꞌdi tahe eti amurreti Waakh tuumman raaho iꞌdaasenyi aytoo kalday katarraantarrate, sinati eti amurre tuumman jebcho liigoocha.