Rooma 2:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Iꞌdaasenyi Waakh eti tuummane haag kalday on yeelo a koolicha, inkaanyit tusta, nebey siicha. Koloo la yaafohi Yaꞌhuude kasookhabta, ꞌdee yaafohi Yaꞌhuud ieheynan ikuta.

Rooma 2:10 ပူးပေါင်းရင်းမြစ်များ

Mattaayo 10:13

Minki atin gesseene atin martiiste, weysihaas ikataba, minki atin imartiisan la, Waakh nebey ma kakaalo.

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Luuka 12:37

Chirri kamuricho ichohi iurꞌdine fiddiyo on sooeleele, hamaadi buurenye khabaan. Rume atin icheeka, eta kamure gaaddi ilbooyye gessata, ilbooyye komborti ballaaddane lakagolossati garabiche ka dikkille kareecha ulla yamiite icho goollicha.

Luuka 19:42

wihi us yidah, “ꞌDooꞌdi ilkerengeetti weene Yeerusaleem, incheenka kootte maalinka jiti nebey lakaꞌhelo a abattaan. Iꞌdaasenyi toolla a atin lakadagche!

Luuka 22:14

Chirri sahaꞌde titah ka, Yeesso ichoow ergaanotiis komborti ballaaddane lakagolossati garabiche ka dikkille kareeyeen.

Luuka 9:48

Wihi us icho iyidah, “Eti tuummane jeenteti us abattiteey iyahuu weela rucchul martiisti, ani imartiista. Eti tuummane ani imartiisti la eti isooergate martiista. A mehe eti goytiin ka weyti rucchul usu weyti ween.”

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 14:27

Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Hilassi Ergaano 10:35

Iꞌdaasenyi Waakh ꞌdooꞌdi il tuummane usu karooro wihi fissan yeelo a khaatta.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Rooma 2:9

Waakh sina ichoow bolokh eti tuummane suujoon yeelo a tusa, yaafohi Yaꞌhuude kasookhabta, ꞌdee yaafohi Yaꞌhuud ieheynan ikuta.

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Rooma 8:6

Malassi ꞌdooꞌdi wihi uurassicho goya kijiro uskeel imoono dakhtaan, omoote ꞌhela. Iꞌdaasenyi mali Rubeyti Waakh dakhatti, jiro ichoow nebeye ꞌhela.

Rooma 9:21

Iꞌdaasenyi eti ꞌdiryohi doobbo yeelo, antohi us doobbotaas kalday ꞌdirihoo daaweet kahaaggicho koo la ki hili ballaaddan kahaaggicho ma khabo?

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Fiiliffi 4:7

Waakh la nebeytiiisti mali weeli enenyet tuumman kutto a atin kakaala. Atin ichoow Yeesso Kiriisto a wohoo kalday gone, nebeyta la uurassiin ichoow malassiin a toorribta.

1 Timooti 1:17

Toollaka Karnati jirtuu tuumman jiro, jirtuu iumaatane, indo ka liiargine, Waakkhi keleye, jirtuu tuumman a liinkaanyito toro la a lasaaꞌdo. Aamiin.

Ibiraaniya 2:7

At icho herti Waakh geeddoo nucchul on kasoonuglaasse, a iꞌdoo at ꞌduub korisse at saggi at iweynaasse toro la liinkaanyito at irummaasse,

Yaakoobo 2:22

Wihi atin agartaan kakhuufnaanki us Waakh kakhuufo ichoow wihi us yeele a israaheen. Toro la wihi us yeele ka, kakhuufnaanki us Waakh kakhuufo tuume lakayeele.

Yaakoobo 3:13

Chiꞌ goytiin ka etoo khara yahe toro haag ichoow suujoon garti jiro, jiroti haaggane us jiro ka, samacchaari khara kayamiite wihi haaggan us yeelo ka a tuso giꞌde.

1 Beetero 1:7

Sinayyoha a atin isoobaheene kakhuufnaanki atin Waakh kakhuuftaan kajaane, ꞌdee saggi us ki rummaat iyahe toro eloo rucchul laka ikhabin tusaan. Kakhuufnaanka Waakh lakakhuufo gatoti ꞌdahab laka a kussanyahe. A mehe ꞌdahabi kheerowo laka ꞌdabe lakakaja toro la ꞌdabe dikha. Maanti Yeesso Kiriisto harra tuumman liisoobabbakkaahicho ka kakhuufnaankiin koolo ichoow weynaan ichoow inkaanyiti buure ꞌhela.

1 Beetero 5:4

Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.