Rooma 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka atihi etoo addan uuraah goyaka hukkunto, wihi ati isikaayyeeddo ma khabto. Iꞌdi tahe walahbaaw at etoo addan uuraah goyaka kahukkunto, a iꞌdoo at uskeel isigoosso. Iꞌdi tahe wihi etaas yeelo on at laka yeessa.

Rooma 2:1 ပူးပေါင်းရင်းမြစ်များ

Luuka 12:14

Yeesso wihi us ilaabe, “Eta, ayyo ani eti ꞌdooꞌd hukkumo ommos hili dahal atin lagiso isiiche?”

Luuka 19:22

“Kamuriche wihi us ilaabe, ‘At a bowꞌdati suuje, an yeedaahha on kaahukkuma! At saggi an uur idaayanahe an wihi weheey ieheynan ikhaaddi toro gosi an ikhutin ka gurnaan iyowdi a garatta menya?

Luuka 6:37

“Taba uurassiin goyaka enenyet ahukkumina uus Waakh atin hukkumine. Taba enenyet uskeele yeesseen iidowina, uus atin laka uskeele yeesseen atin liidaahane. Taba enenyet uskeel ikakuta, ꞌdee uskeeliin a atin liikakuto.

Rooma 14:22

Wihi wahanyeyyohaas miinsane at rummeysatti, ati ichoow Waakh on isleegarda. Eti Waakh imaalo a ki haaggi us gooche ka uskeel isikagoon.

Rooma 2:2

Wihi inno garanni a mehe ya, Waakh chuꞌus ꞌdooꞌdi wihi iꞌdee yeelo hukkumo us sina igoocho, us wihi rummaat on yeela.

Rooma 2:3

Maantaka chirri atinhi weeli enenyete eti wihi iꞌdee yeelo uurassiin ka hukkuntaane iꞌdaasenyi atin rubeytiin wahaas yeessaan, kol atin hukkunki Waakh atin hukkumo kabahsattaane koogtahiin?

Rooma 3:9

Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

Rooma 9:20

Etaaw, atiha Waakh yeed ilaabto, at ayyo iskoogtahe? ꞌDirihi doobbo eti yeele, “At a iꞌdoh sagga ikayeesse?” ma worsati gon.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

1 Koriinto 7:16

Atihi makhaabassoowe, atihi makhaabalaah Kiriisto ikeento ꞌdee Kiriisto rummeesti ma garatti. Ommos atihi makhaabaloowe atihi makhaabassaah Kiriisto ikeento ꞌdee Kiriisto rummeysatti ma garatti.

Yaakoobo 2:20

ꞌDalamoow, anihi saggi Kiriistohi lakakhuufo toro haag liiyeelin wihi ilmarhaatteet iyahiin kituso ꞌdoonta?

Yaakoobo 4:11

ꞌDooꞌd Kiriistokaaw, taba iishamanna. Eti tuummane etoo koo Kiriistee hayhayo ommos hukkumo a iꞌdoo us amurreti Waakh hanti toro hayhayo. Geedda atin amurreti Waakh hukkuntaan, amurre ma raahtaane, geeddaase iche amurre fit tahe ichoow ichehuus goossaan.