Rooma 16:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Birisiila ichoow Akiila bariitoteey eleelicha. Hil Yeesso Kiriisto ka a iswalhinna.

Rooma 16:3 ပူးပေါင်းရင်းမြစ်များ

Hilassi Ergaano 18:26

Ulla minki weysiite Yaꞌhuud ka ꞌdooꞌd roorro laan leeyyeede. Chirri Birisiila ichoow Akiila usu daageen ka, khaateene minkicho ka mujjum jiti Waakh idowdoween.

Rooma 16:10

Abeelehi kakhuufnaanki us Kiriisto kakhuufo ka lakaje bariiticha. Goob Ariistobulo bariitoteey eleelicha.

Rooma 16:4

Lammacho ba la goorat a igargaareene ichoowka jeentetaas u liigaasan leheet. Ani kalday la menye, ururre Kiriistoti yaafohi Yaꞌhuud ieheynan tuumman icho weyti kalanneestaan.

Rooma 16:7

Andirooniko ichoow Yuuniya bariiticha. Icho goorat jeela ikaleejireene toro la a yaaftaaya. Lammacheba la a ergaanoti weyti lagarti, toro la ortaaya Kiriisto rummeesteen.

Rooma 16:9

Urbaanohi ullaka hil Kiriisto ka inno walhicho bariiticha. Aaleeyki an weyti ꞌdoono Isitaaku layadeeh bariiticha.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Koriinto 16:16

ꞌdooꞌdi iꞌdaase ichoow ki addane hil leehaaggicho aficho akutina.

1 Koriinto 16:19

ꞌDooꞌdi ururre Kiriisto boroofenhi Aassiya kajiro tuumman, a atin soobariitiche. Akiila ichoow Birisiila ichoow ꞌdooꞌdi Waakhe minkicho ka kulmo, magahi Kamur ka weyti atin soobariiticheen.

2 Koriinto 12:2

An etoo usu ichoow Kiriisto wohoo kalday yahiine guꞌh tomon ichoow affar kutte goobi Waakh ka inti seeyyahnaatteet liikorche a garda. Sar kijiryeey ommos sar ma kijirineey ka ba an ma gardi, Waakh on garta.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Galaatiya 1:22

Maantaas la urur Kiriistoki boroofenhi Yaꞌhuudiya kijiro, et injire iarge mele.

Fiiliffi 2:25

Iꞌdaasenyi toolla wihi addane an gooche, a anihi Ebaabara atin isoolaabo. Ullaka a et Kiriisto toro la a ileehila a iꞌdoo us diho ikaleejire. Ulla a ergattitiinti wihi an maan dakkhan ꞌdoono ka igargaaro.

Kolossaay 4:11

Yeessohi magahiiskoo Yaasto layadeeh laka a atin soobariitiche. ꞌDooꞌdi hili dakhi Waakh miinsan ileehaaggicho goyaka, ꞌdooꞌdi Yaꞌhuude Kiriisto rummeeste a reera seyyahtiissa on. Icho la weyti uur imiigoocheen.

2 Timooti 4:19

Bariitoteey Birisiila ichoow Akiila ichoow min Oneesiferas ba eleeli.