Rooma 14:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Eti golol tuumman yaham, uus ki imboogati gos kalday yaham ꞌdarraawin giꞌde. Eti imboogati gos kalday on yaham la, uus eti addane golol tuumman yaham uskeel igoon giꞌde. Iꞌdi tahe Waakh kan walah tuumman yaham laka a khaatte.

Rooma 14:3 ပူးပေါင်းရင်းမြစ်များ

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Mattaayo 9:14

ꞌDeerka abatti Yoohanahi Enenyet Baattissiyo Yeesso itimiyye wihi iche worsatte, “A iꞌdohe nah ichoow Farissaayo af ihidanna, iꞌdaasenyi abattitaah af ihidan?”

Luuka 18:9

Yeesso toro ꞌdooꞌdoo saggi us ififfissanyahe iskakhuufo wihi us yeelo ka ꞌdooꞌdi addan ꞌdarraawo mammahta ibahche wihi us yidah,

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Hilassi Ergaano 10:44

Beetero yeyyeedaayi Rubeyti Munyee ꞌdooꞌdi dagansati tuumman isooyagte.

Hilassi Ergaano 28:2

ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen.

Rooma 11:15

Iꞌdi tahe maanti Waakh ꞌdooꞌdi Issiraayel ꞌdiiꞌde, iche ꞌdooꞌdi addane harrata ankiis keene. A haaggoo geeddohe maanti Waakh ꞌdooꞌdi Issiraayel khaatti? A iꞌdoo ꞌdooꞌdi goorat tuume omoot kasookaho!

Rooma 14:1

Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Rooma 14:10

Atihi imboogati gos kalday taham etaahkoo Kiriisto rummeeste uuraah ka ahukkumin giꞌde. Toro la atihi golol tuumman taham etaahkoo Kiriisto rummeeste aꞌdarraawin. Iꞌdi tahe inno tuumman berri komborti Waakh enenyet kahukkumo orcheeda tolossanna, inno lahukkuma.

Rooma 14:13

Maantaka taba giꞌde uus inno uskeel isigoon. Fiddihi inno fiddiino ka waha goonno, koloo kalday laka etaahki Kiriisto rummeeste daakki tarraantarricho iitaahane, ommos uskeel goya akalugꞌdin.

Rooma 14:15

A mehe chirri at gololi at taham ka etaahki Kiriisto rummeeste bolokh ikeento, wihi kiwoyo ꞌdoonin mee gon. Tab giꞌde, gololi at taham uus etaahki Kiriisto rummeeste Kiriisto jeentetiis iyumuy uskulaan!

Rooma 14:21

A deefta chirri jid liiumhane ommos farsoti sabiib liidamine ommos wohoo addane etaahki Kiriisto rummeeste tarraantarricho liiyeelin.

Rooma 15:7

Taba giꞌde, saggi Kiriisto atin ikhaattuu, saggaas isikhaadda, ꞌdee enenyet Waakh a saaꞌdo.