Rooma 13:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ A mehe amurreta, “Makhaabali kaah ieheynan ommos makhaabassi taah ieheynan aleeurꞌdin, ogoos dubunuunu agelin, walah ahatin, walah amaanjeeran,” tadeeh tuumman ichoow chiꞌ too addan jirto, amuroo kaldach on kakulanta. Amura la mehe yadeeh ya, “Ollokkaah geeddi at isꞌdoonto ꞌdoon.”

Rooma 13:9 ပူးပေါင်းရင်းမြစ်များ

Mattaayo 22:39

Ki lammaatteet la a iꞌdiissa, ‘Ollokkaah geeddi at isꞌdoonto ꞌdoon.’

Marko 10:19

Amurreti Muusa enenyet siiche a garatta, ‘Weeli enenyet dubunuunu iigaasan, makhaabali kaah ieheynan ommos makhaabassi taah ieheynan aleeurꞌdin, walah ahatin, garti beenaat ayeedin, enenyet akakharaawin, aabbahaah ichoow abartaah inkaanyit.’ ”

Marko 12:31

Ki lammaatteet la a kan, ‘Ollokkaah geeddi at isꞌdoonto ꞌdoon.’ Amuri amurreta kussan, ma jiro.”

Luuka 10:27

Wihi us ilaabe, “ ‘Kamuri Waakkhaahe uuraah tuumman ka ichoow rubeytaah tuumman ka ichoow miigtaah tuumman ka ichoow malaah tuumman ka ꞌdoon.’ Ichoow, ‘Ollokkaah geeddi at isꞌdoonto ꞌdoon.’  ”

Luuka 18:20

Amurre Muusa a garatta, ‘Makhaabali kaah ieheynan ommos makhaabassi taah ieheynan aleeurꞌdin, weeli enenyet dubunuunu iigaasan, walah ahatin, garti beenaat ayeedin, aabbahaah ichoow abartaah inkaanyit.’  ”

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.