Rooma 13:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

Rooma 13:1 ပူးပေါင်းရင်းမြစ်များ

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Hilassi Ergaano 2:41

ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.

Rooma 12:21

Taba giꞌde, suujoon uus atin kahataatine, haag yeela, ꞌdee suujoon sooricha.

Rooma 13:2

Maantaka eti tuummane weynaanti sirgaal tirrimo, amuri Waakh soobahche tirrima. ꞌDooꞌdi iꞌdaase la, hukkunki lahukkumo sina liigoocho iche isikeena.

Efeesso 5:21

Wihi ꞌdaꞌddaboot, jeenteti atin Kiriisto iinkaanyittaan u, taba giꞌde, af iiskutina.

1 Timooti 2:2

Karnato ichoow weynaanti addan tuumman iꞌdane yeelaane ꞌdee inno tuumman nebey ichoow roorro laan fiddiina. Toro la ꞌdee Waakh a karoorro jiroti munyee a jirro.

Tiito 3:1

Tab ꞌdooꞌd Kiriisto kasooꞌheliche, ꞌdooꞌdi anto khabo ichoow karnatohi sirgaal ba a inkaanyiteene wihi liiꞌdoono kol tuumman a raaheene wihi haaggan la a itannabteene a yeeleen.

Yuuda 1:8

Iꞌdaasu laka ꞌdooꞌda wori beenaat enenyet abcho jeenteti wihi icho kiissillootaan u sartichooda biꞌdirroochaane, antohi Waakh ꞌdiiꞌdaane, toro herti Waakh igafaan.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 19:16

Kabuuꞌdiis ichoow togooggiis magahane kachiiran, Karnati karnato kussan ichoow Kamuri kamurre kussan.