Rooma 12:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 12:3 ပူးပေါင်းရင်းမြစ်များ

Luuka 18:11

Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Rooma 12:16

Maloo kalday khaba. Eeylajina, ꞌdooꞌdi miskiine fiddihi haaggan ikhaba. Weyti serey iisgeenna.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

1 Koriinto 3:10

Haaggi Waakhe buurenye liisiiche ka, an a iꞌdi tagaanki minan diso, anna daddaabohi ilaat a dise. Etoo addan la daddaabohaas sarcheeda min kadisa. Iꞌdaasenyi ebba saggi us min idiso a yuubicho giꞌde.

1 Koriinto 7:17

Etiimba iꞌdi goorat Kamur igooche toro la Waakh iwahe, iꞌdaas on a eheetti. Amura a ki an ururre Kiriisto tuumman ka ꞌdooꞌd icheeko.

2 Koriinto 10:13

Nah la wihi nah keeylajno, geeddi mujjumenye nah liichiire ma kunno. Iꞌdaasenyi wihi nah keeylajno ichoow hili Waakh dahanteenyo soogesse a israahaane, atin laka hila goya a kijirtaan.

2 Koriinto 12:13

Haaggi kaldaye ururre Kiriistoti addan liiyeele atin la atin liikayeelin, a huleesi chilimme an atin ikorin. Khufa ikakuta!

2 Koriinto 12:7

Jeenteti wahanyeyyohaas hahhaaggane Waakh itusuu la, sarteey goya kudakkoo lagesse us ꞌdee an weyti serey isgeenne. Kudakka la a ergattiti Seytaane ijahto.

Galaatiya 6:3

A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.

Efeesso 3:2

Saggi dakhi haaggi Waakhe buurenye atin iroon ani liisiiche a daagteen gon.

Efeesso 3:4

Wahaas atin soonteen ka, saggi an mali dagsane Kiriisto miinsan igardi aban a tabuuꞌdiin.

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Kolossaay 2:13

Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.

1 Timooti 1:14

Kamureen la haaggiiski buurenye an imunneynan weyti ituste. Toro la Yeesso Kiriisto ka, kakhuufnaanki an Waakh kakhuufo ichoow ꞌdooninti an ꞌdooꞌd ꞌdoono a isiiche.

1 Timooti 2:15

Iꞌdaasenyi Waakh deyyeho delnaan ka a riba, chiꞌiche orey isohatti Waakh kakhuufto iche enenyet ꞌdoonto, jiti munyee kafiddiito toro la isjeyisso.

1 Timooti 2:9

Deyyehoti Waakh ichehi gaaddi mujjumenye inkaanyit tusso gessatti ꞌdoona. Uus iche saggi iche tintiche ihaaggisse ka ommos ꞌdahab ka ommos irtiyyohi gato miige ka ommos gaaddi gato miige ka ꞌdooꞌd istuttusin.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.

Tiito 2:2

Makhaaballeti araarrinyee isjeycha, saggoo atin liinkaanyito ifiddiya, ꞌdooꞌdi samacchaare ateeha idah. Kakhuufnaanki icho Waakh kakhuufaan ichoow ꞌdooninti icho ꞌdooꞌdi addan ꞌdoonaan ichoow garrahsihi rumanka icho khabaan abi.

Tiito 2:4

ꞌdee deyyehoti nunnugul saggi iche makhaaballeticho ichoow nyaakhuticho iꞌdoonto abin a yubaaꞌdeen.

Tiito 2:6

Saggaas on u, tabe mejeli nunnugul laka faajjiye, a isjeycho.

Yaakoobo 4:6

Iꞌdaasenyi Waakh haaggiiski buurenye us inno siicho a kakhayma. Jeentetaase Chiirnaanneti Waakh mehe itadeeh ya, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

3 Yoohana 1:9

Urur Kiriisto khadaab ꞌhor a isoochiire iꞌdaasenyi Diyoodirefhi weynaan marmo waansiheey a ꞌdiiꞌde.