Rooma 12:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

Rooma 12:2 ပူးပေါင်းရင်းမြစ်များ

Mattaayo 13:22

ꞌDooꞌd gaasoo a iꞌdi inti geeyohi rurrucchule kudah khabto. Ilmohi harrata kadiho a iꞌdi eti Yeedi Waakh daago, raaho, iꞌdaasenyi waꞌdwaaꞌdi harrata ichoow ꞌdamaanki kamurroon ba afchaane, gurnaan icho delaan mele.

Marko 4:19

iꞌdaasenyi dowwa on waꞌdwaaꞌdi harrata ichoow ꞌdamaanki kamurroon ichoow wahanyeyyohi addane liimoono ba Yeeda afchaane, gurnaan icho delaan mele.

Yoohana 14:30

Geeddi deer ma atin leeyyeedo, a mehe karnati harrata a soosohtaa. Us miig ma ikakhabo,

Yoohana 15:19

Chirri kootte atin iꞌdi ꞌdooꞌda harrata tahiin, ꞌdooꞌdaas a atin ꞌdoona, iꞌdi ꞌdooꞌdichuu. Atin ꞌdooꞌdi harrata menye, iꞌdaasenyi an a atin soobahsade. Jeentetaase ꞌdooꞌdi harrata atin iꞌdiiꞌda.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Rooma 12:1

Maantaka ꞌdooꞌd Kiriistokaaw, jeenteti uurnugleeli Waakh u, a atin hawwaasda, taba sartiin Waakh ibahcha, iꞌdi soorriyoti jirto toro la munyee u. Soorriyotaas la a ti Waakh kahamaadisso. Waha la a saggi imasse atin Waakh iwahattaan.

Rooma 13:14

Taba giꞌde sagag tuumman ka Yeesso Kiriistohi Kamure iꞌdiis ateeha, toro la wihi uurassiin goya kijiro uskeel imoono koloo kalday laka araahina.

Rooma 7:12

Maantaka amurre Muusa rubeyche a munya, alohiche laka a munya, a fissanyahiine, toro la a haagganyahiin.

Rooma 7:14

Inno tuumman saggi amurre Muusa Waakh ikatimiy a garanna. Iꞌdaasenyi ꞌdabakkhi weeli enenyete an khabo Waakh ma kayamiite, ani iꞌdi bowꞌduu uskeele liiororiche.

Rooma 7:22

A mehe ani maleey goyaka weyti amurreti Waakh kahamaada.

1 Koriinto 3:19

Iꞌdi tahe kharati ꞌdooꞌdi harrata, Waakh ka a ꞌdalammoon. Iꞌdi liichiiruu, “Waakh ꞌdooꞌdi kharayyee kharatichotaas on kakhabta.”

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 5:17

Maantaka saggi ꞌdooꞌdi ꞌdalammee iijirina, iꞌdaasenyi wihi Kamur atinhi yeessaan ꞌdoono abda.

Kolossaay 1:9

Jeentetaas u, uus nah woriin ꞌhelle, koloo kalday laka Waakkhi nah atin isoowahno ma ꞌdiin. Wihi nah Waakh daahno la, a usuhi tuum khara ichoow abannaanki Rubeyti Munyee kayamiit tuumman ka wihi us ꞌdoono atin ibuuhicho.

Kolossaay 3:10

Toro la jiroti husube gessatteene, jirotaas ka la kol dakkhan Waakhe atin husubnaacha, ꞌdee usu rumanka abattaane, iyookkoti Waakkhi atin soouume raahtaan.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

1 'Dessaloonika 4:3

Wihi Waakh atin kaꞌdoono kallaayo, a atinhi jiroti munyee jirtaane, ꞌdooꞌdi isidisan isileeurꞌdine,

Tiito 3:5

inno ribe. Waha la jeenteti inno wohoo fissan iyeelle menye, a jeenteti uurnugleeli Waakh on. Usu Rubeyti Munyeenye jiroteen dikhto, delmaatti husub ichoow jiroti husub inno siisso ka, a inno ribe.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

1 Beetero 1:14

Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

1 Beetero 1:18

Iꞌdi tahe a garattaane, jiroti ilmarhaatteete atin aacchinyetiin kaꞌhesseen, wahanyeyyohi suujowo iꞌdi maanta lahaag ommos ꞌdahab mee lagute atin lafure.

1 Beetero 2:3

Iꞌdi tahe toolla saggi Kamur ihaagganyahe a chanchanteen.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

2 Beetero 1:4

Wahanyeyyohaas ka Waakh ayyinti weyti haaggane indigir inno ikhabto a inno igooche, ꞌdee ayyintaas ka Waakh uummankiis leegisanna toro suujoonki harratane wahanyeyyohi liimoono keenaan kabahsanna.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

1 Yoohana 3:13

ꞌDooꞌdeeyki Kiriisto rummeeste, chirri ꞌdooꞌdi harrata atin nibhaate agirmeysanna.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.