Rooma 11:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Mehe ꞌdeerka nidaahe? ꞌDooꞌdi Issiraayel wihi us weyti yowte ma ꞌheline, iꞌdaasenyi ꞌdooꞌdi Waakh soobahsate iche waha ꞌhele. ꞌDooꞌdi addane Waakh ikakhuufin Waakh matahenyeticho a dagahnooche.

Rooma 11:7 ပူးပေါင်းရင်းမြစ်များ

Marko 6:52

a mehe girmohi makaateyyohi ittaawe walah iche kaabatte mele. Iꞌdi tahe uurassicho a ladagahnooche.

Luuka 13:24

“Hol dowe afafhi juukhe kagel. Iꞌdi tahe wihi an atin iadeeh, ꞌdooꞌdi buure afafhaase kagelin ꞌdoona, iꞌdaasenyi ma yabuuꞌdiin.

Yoohana 12:40

“Waakh icho indo a tire, uurassicho la dagahnooche, ꞌdeerka indohicho ka il ma argaane, ommos uurassicho ka walah ma abtaan, ommos ani ma isoonokhtaane ꞌdee ma samaacho.”

Rooma 10:3

Icho jiti Waakh enenyet ꞌdooꞌdi fiffissan iekkaacho ma aban. Icho awtichooda on u jiti icho ꞌdooꞌdi fiffissan iskayeelaan yowtaan. Icho jiti Waakh enenyet ꞌdooꞌdi fiffissan iekkaacho raahin a ꞌdiiꞌdeen.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Rooma 11:5

Toolla laka a iꞌdaas one, Waakh haaggiiski buurenye inno imunneynan ka, ꞌdooꞌdoo rucchule soobahsate, isisooꞌhaache.

Rooma 3:9

Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

Rooma 9:18

Maantaka Waakh usu on eti us uur inugleysan ꞌdoono uur inugleesta, eti us matakkiis miigoon ꞌdoono la matakkiis miigoocha.

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

1 Koriinto 10:19

Iꞌda ka mehe elda ya, soorriyoti iyookkoyyohi waakkhakh lakayeessi liibahche ommos iyookkoyyoha waakkhakh lakayeessi walah icho yahiin mele.

2 Koriinto 3:14

Iꞌdaasenyi malassicho a ladagahnooche. Iꞌdi tahe ichoowka maanta laka chirri icho buuggassi ayyinti raagane Waakh gooche soomaan a iꞌdoo malassicho dafar lakoogooge. Dafarta uliba a jirta. Iꞌdi tahe maanti etoo ichoow Kiriisto ba wohoo kalday yitaaheen kalday on dafar lakayegcha.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

Fiiliffi 1:18

Iꞌdaasenyi wahaas walah icho ileeyahiin mele! Wihi khumman, jitat tuumman ka, uuri suuje ommos uuri haaggan eheetteey ka ba, a wor Kiriistoki lacheeko. Anna jeentetaase weyti ihamaada. Rumanka la toro oreye isohda weyti hamaada.

Ibiraaniya 12:17

Ulla yomboka iꞌdi atin igarattaan u, maanti us weysi aabbahiis ꞌdoone, aabbahiis usu a ꞌdiiꞌde. Chiꞌ Essaawo weysi iooye laka, sag us maliis iurgiyicho mele.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.