Rooma 11:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDeerka wihi an worsadi, Waakh ꞌdooꞌdiis a ꞌdiiꞌde? Mele, iꞌdaaru laka ma ꞌdiiꞌdin! Ani rubeyteey a ꞌdooꞌdi Issiraayele, hiiy Aburaahame kiimiyye, a yaaf Beenjameen.

Rooma 11:1 ပူးပေါင်းရင်းမြစ်များ

Luuka 20:16

A yamiite, ꞌdooꞌdaas gos kireeste bakkicha ꞌdee gos ꞌdooꞌdoo addan gessa.” Chirri ꞌdooꞌd ayta daage ka wihi us yidah, “Waakh meesseen bujiiy!”

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 26:4

“Yaꞌhuud tuumman uus rucchuleet saggi an ijire a garta. Saggi an uus an delde an ileey ichoow ilkerengeetti weene Yeerusaleem on ifiddiye a gartaan.

Rooma 11:11

Toro wihi an worsadi, ꞌdooꞌdi Issiraayel goorat a tarraantarrate ichoowka sookahin agaafte? Mele! Iꞌdaaru laka iꞌdaas mee. Jeenteti ꞌdooꞌdi Issiraayel Waakh idaagiwwaaye, iche Waakh ꞌdooꞌdi yaafohi Yaꞌhuud ieheynan iribe, ꞌdee ꞌdooꞌdi Issiraayel inaafi us ꞌdooꞌdi yaafohi Yaꞌhuud ieheynan us kiinaafo gesse.

Rooma 3:4

Iꞌdaas mee! Chirri weeli enenyet tuumman been goocho laka, Waakh rume leeyahe. Iꞌdi liichiiruu, “ꞌDee atihi Waakhe saggi at rum on ikaayyeeddo laarga, toro la saggi at ꞌdooꞌdi wohoo kaacheekti isoorisso laarga.”

Rooma 9:3

jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna.

2 Koriinto 11:22

Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka.

Fiiliffi 3:5

Inkoo an delde, an ibeen siyyeet barye, iche liikhandiye. ꞌDooꞌdi idele a Issiraayele, yaaf Beenjameene kayimiy. Hiiyyeey tuumman la Ibiraaniya kasoouummame. An rabitti Farissaayo weyti amurreti Yaꞌhuud raahto kijire.