Rooma 10:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Farniinka la a mehe ya, chirri at afaah ka, “Yeesso usu Kamure,” cheekto, uuraah ka la saggi Waakh Yeesso omoot ka isookahche rummeysatte, Waakh a kiriba.

Rooma 10:9 ပူးပေါင်းရင်းမြစ်များ

Luuka 12:8

“Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Yoohana 9:22

ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha.

Hilassi Ergaano 16:31

Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.”

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”

Rooma 10:10

Iꞌdi tahe uuraahha Yeesso karummeysatta, wahaas la mehe delaan ya, Waakkhi eti fissan kiekkaacho. Toro la chaꞌat ꞌdow ka saggi at Yeesso rummeysatti cheekto, waha mehe delaan ya, Waakkhi kiribo.

Rooma 14:11

Wihi chiiran, “Kamur mehe essa ya, ‘An rumanka a jira gone, weeli enenyet tuumman orteey ka jilbo il a kaguꞌdda, ꞌdooꞌd tuumman la saggi an Waakh iahe ꞌdow ka a cheeka.’ ”

Rooma 14:9

Jeentetuu Kiriisto a yumuyye toro la toolla a jira, ꞌdee Kamuri ꞌdooꞌdi jiro ichoow ki ꞌdooꞌdi tuume yateeh.

Rooma 4:24

Iꞌdaasenyi ayta inno laka a inno ichiirantahe. Chiꞌinno Waakkhi Yeessohi Kamureene omoot kasookahche inno rummeysanni, Waakh inno laka ꞌdooꞌdi fiffissane inno iekkaacha.

Rooma 8:34

Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.

1 Koriinto 12:3

Maantaka wihi an atin isoocheeko, eti Rubeyti Waakh woyto, koloo kalday laka, “Yeesso a falayyahe,” ma yadeeh. Eti Rubeyti Munyee woyto on menye koo addane, “Yeesso a Kamur,” yadeeh mele.

Fiiliffi 2:11

toro la icho tuumman saggi Yeesso Kiriisto Kamur iyahe ꞌdow ka a cheekaane, ꞌdee Waakkhi Aabbaheene lasaaꞌda.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

1 Yoohana 4:15

Eti tuummane saggi Yeesso Weeli Waakh iyahe cheeko, Waakh goytiissa fiddiya ulla Waakh goytiis fiddiya.

2 Yoohana 1:7

ꞌDooꞌdi ittaawenye enenyet ekkeesti, saggi Yeesso Kiriisto harrata uummanki weeli enenyet ikayimiy icheekin harra a kataaꞌhe. Eti iꞌdee tuumman a ki enenyet ekkeesti, toro la a eti Kiriisto igafo.