Rooma 10:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ani rubeyteey saggi icho rumanka weyti Waakh ikafalin iꞌdoonaan a cheeka. Iꞌdaasenyi raahnaanki icho Waakh raahin ꞌdoonaan ka, jiti runti Waakh lakaabti ma raahaan.

Rooma 10:2 ပူးပေါင်းရင်းမြစ်များ

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

Hilassi Ergaano 21:28

riireene, “Mejeli Issiraayeloow, nah gargaara! Eta a ki enenyet tuumman harra tuumman ka wihi suujenye us abcho ka ꞌdooꞌdeenki Issiraayel ichoow amurreteen ichoow minka Waakh miinsan kayeyyeedo. Waha kalday on menye, ꞌdooꞌdi Yaꞌhuud ieheynan iche minki Waakhe buure soogesse, meessa lagan biꞌdirrooche,” yidaaheen.

Hilassi Ergaano 22:22

ꞌDooꞌd Baawulo dagansate ichoowka yeedaas yaafohi Yaꞌhuud ieheynan miinsan yidah. ꞌDeerka enenyet weyti riire, “Eta harrata kabahcha! Agiisa, jiro ma iroone!” yidaaheen.

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Rooma 10:1

ꞌDooꞌd Kiriistokaaw, wihi uur weyti iꞌdoono toro la an Waakh daaho, a ꞌdooꞌdi Issiraayele laribo.

Rooma 10:3

Icho jiti Waakh enenyet ꞌdooꞌdi fiffissan iekkaacho ma aban. Icho awtichooda on u jiti icho ꞌdooꞌdi fiffissan iskayeelaan yowtaan. Icho jiti Waakh enenyet ꞌdooꞌdi fiffissan iekkaacho raahin a ꞌdiiꞌdeen.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

2 Koriinto 8:3

Iꞌdi tahe wihi an arge an atin isoocheeko, icho geeddi icho yabuuꞌdiine diibeene, toro la ꞌdirihicho diibeen. Icho awtichuu a goocheene,

Galaatiya 1:14

An weyti hugumme aacchinyeteenyo isibahche, boorreeyki Yaꞌhuud ka, an rumanka oreye raahe.

Galaatiya 4:15

Hamaadi goorat maantaas atin khabteen toolla meeke? Garti an laabo, chiꞌ kootte iche tateeh, indohiin laka a soobukkhissaane isiissaan!

Fiiliffi 1:9

An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin.

Fiiliffi 3:6

Toro jeenteti an weyti Waakh ikafalin iꞌdoone, urur Kiriisto sina omhiche. Chirri amurreti laraaho enenyet eti Waakh ortiis ka fissan kayeesso ani wohoo rucchul laka ma liikacheekti.

Kolossaay 4:13

Ani rubeyteey saggi us atin ichoow urur Kiriistoki ilkerengeetohi Lawodeechiya ichoow Haayeraboli yaal hol atin ikadowo rumanka gartiis a laaba.