Rooma 1:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waakkhi an uureey tuumman ka ifalo, an Wori Haaggane Weeliis miinsan an cheeko, garti saggi an ayti rummaat ieldi koli an weesdi tuumman an koloo kalday laka atin ikadabin a laaba.

Rooma 1:9 ပူးပေါင်းရင်းမြစ်များ

Marko 1:1

Waha a uumacchoti Wori Haaggane, Yeesso Kiriistohi Weeli Waakhe miinsan.

Luuka 18:1

Yeesso toro abattitiis mammahtoo saggi icho kol dakkhan iweestaane toro icho weysi ka igarrahsataan tusso ibahche,

Hilassi Ergaano 12:5

Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Hilassi Ergaano 27:23

Ibeenkate Waakkhi an kiis ahe toro an ihilo hertiistoo garabaaya tolossatte,

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

Rooma 9:1

Ani ichoow Kiriisto ba rum on cheekna, ani been ma goocho. Toro la rubeyteeyti haag ichoow suujoon seley saahto ichoow Rubeyti Munyee a israahaan.

2 Koriinto 1:23

Waakh a idaagaa, us garteey a laaba, anihi bolokh atin ikeeno an iꞌdoonine, jeentetaase ilkerengeetti Koriinto toro ikasoonokhawwaaye.

2 Koriinto 11:31

Waakkhi Waakh ichoow Aabba Yeessohi Kamure jirtuu tuumman a lakoolicho. Ulla saggi waha tuummane an eldi been ieheynan a garta.

Galaatiya 1:20

Waakh a idaagaa, yeeda an atin isoochiiro a rum!

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Fiiliffi 1:3

Kol tuumman chirri an atin kasooꞌhelo, Waakkheey kalaꞌde ilaaba.

Fiiliffi 1:4

Kol tuumman chirri an atin tuumman Waakh atin isoowaho, hamaade kaweesda.

Fiiliffi 2:22

Iꞌdaasenyi Timooti saggi us rumanka indigir ikhabe us enenyet tuumman ituse a garattaan. Ani ichoow Timooti iꞌdi ooyo ichoow inankiissa Wori Haaggan isileecheekne.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

1 'Dessaloonika 1:2

Nah kol dakkhan jeenteti atin tuumman u Waakh kalaꞌd a ilaabna, geeddi nah weysanni la Waakh a atin isoowahna.

1 'Dessaloonika 3:10

Ibeen ichoow maalim ba rumanka Waakh a wahanna, ꞌdee jiti nah toro atin kasooꞌdaarro fura, toro la wihi Kiriistohi atin kakhuuftaan ka laatahiin, atin siinna.

1 'Dessaloonika 5:17

Kol dakkhan weesda.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 Timooti 1:3

An Waakkhi an iꞌdi aacchinyeteey u rubeyti suujoon ikacheekan ka an ifalo kalaꞌd a ilaaba. Maalim ichoow ibeen ba la weysiheey ka ma kaadabo.

Fiilemon 1:4

An kol tuumman Waakkheey kalaꞌd a ilaaba geeddi an weysiheey ka kaasooꞌhelo.