Rooma 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Wihi an kasoodaabdi, Waakkhaaya Yeesso Kiriisto ka kalaꞌd ilaaba jeentetiin u. Wihi tahe, saggi atin Yeesso Kiriisto ikakhuuftaan, ꞌdooꞌdi harra kajiro tuumman a cheeka.

Rooma 1:8 ပူးပေါင်းရင်းမြစ်များ

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Luuka 2:1

Goorat maantaas Kaaysarhi Agaasta layadeeh amuri ꞌdooꞌdi ili Rooma tuummane us anti lakeekkaacho iche bahche.

Hilassi Ergaano 11:28

Kichekoo magahiis Agaabo layadeeh kahe, Rubeyti Munyee ka, saggi abaartoo suuje dowwanoha ka harrati sirgaali Rooma anti tuumman igesso orey on cheeke. Abaartaas la maanti Kilaawudiyo karnat yitahye soomarte.

Hilassi Ergaano 28:22

Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”

Rooma 10:18

Iꞌdaasenyi wihi an worsadi a mehe ya, ꞌdooꞌdi Issiraayel wora ma daagin a? Aa! Rumanka a daageen. Iꞌdi Chiirnaanneti Waakh liikachiiruu, “Hooyassicho harra tuumman a kataaꞌheene, yeedi icho yeyyeedeen harra ginꞌdohiche tuumman a eleele.”

Rooma 16:19

Enenyet tuumman saggi atin Kamur iraahtaan a garta. Anna weyti atin kahamaada. Iꞌdaasenyi wihi an atin kaꞌdoono kallaayo, taba giꞌde, wihi haaggan ka kharaawa, anki suujoon ka la, iꞌdi eti wohoo igaran ateeha.

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

1 Koriinto 1:4

An kol dakkhan Waakkheey kalaꞌd a ilaaba. Us haaggiiski buurenye inno imunneynan a atin tuste jeenteti atin ichoow Yeesso Kiriisto wohoo kalday itahiin u.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

Efeesso 1:15

Jeentetaas u, ani uus an saggi atin Yeessohi Kamureene ikakhuufteen ichoow saggi atin ꞌdooꞌdi Waakh tuumman iꞌdoontaan daage,

Efeesso 1:16

weysiheey ka a atin kasooꞌhela, toro la kol tuumman Waakh kalaꞌde ilaaba jeentetiin u.

Efeesso 3:21

Urur Kiriisto ichoow Yeesso Kiriisto ka, Waakh ba kholoyyo tuumman ichoow jirtuu tuummamba lakoolicha! Aamiin.

Efeesso 5:20

Toro la magah Yeesso Kiriistohi Kamureene ka, kol dakkhan Waakkhi Aabbaheene walah tuumman ka kalaꞌd ilaaba.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Fiiliffi 1:3

Kol tuumman chirri an atin kasooꞌhelo, Waakkheey kalaꞌde ilaaba.

Kolossaay 1:3

Nah kol tuumman chirri nah Waakh atin isoowahno, Waakkhi Aabba Yeesso Kiriistohi Kamureene kalaꞌd a ilaabna.

1 'Dessaloonika 1:2

Nah kol dakkhan jeenteti atin tuumman u Waakh kalaꞌd a ilaabna, geeddi nah weysanni la Waakh a atin isoowahna.

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

2 Timooti 1:3

An Waakkhi an iꞌdi aacchinyeteey u rubeyti suujoon ikacheekan ka an ifalo kalaꞌd a ilaaba. Maalim ichoow ibeen ba la weysiheey ka ma kaadabo.

Fiilemon 1:4

An kol tuumman Waakkheey kalaꞌd a ilaaba geeddi an weysiheey ka kaasooꞌhelo.

Ibiraaniya 13:15

Maantaka taba, Yeesso ka Waakh kol dakkhan koolinno. Iꞌda ka kooloheen a iꞌdi soorriyoti inno Waakh ibihinno, toro la a iꞌdi gurnaanki enenyet af ka saggi Waakh Kamur iyahe cheeko.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.