Rooma 1:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Rooma 1:7 ပူးပေါင်းရင်းမြစ်များ

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Rooma 1:6

Atin laka ꞌdooꞌda Waakh wahe Yaꞌhuud ieheynane koo Yeesso Kiriisto yateeh goya a kajirtaan.

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

Rooma 8:39

Wihi sereyta daayan sartiis kijiro ommos harrata iliche kijiro laka ma inno kagoochaan. Wihi Waakh soouume tuumman goyaka laka, wohoo kaldaye ꞌdooninti Waakh Yeesso Kiriistohi Kamureene ka inno ꞌdoono inno kagoon yabuuꞌd ma jiraan.

Rooma 9:25

Buuggi ꞌHoseeya chiire ka, wihi Waakh ꞌdooꞌdi Yaꞌhuud ieheynan iyidah kallaayo, “An ꞌdooꞌdi keey ieheynan iche, ‘ꞌDooꞌdaaya,’ adeeh. ꞌDooꞌdi goorat ꞌhor an iꞌdoonin iche, ‘Chinnitaaya,’ ” adeeh.

1 Koriinto 1:24

Iꞌdaasenyi ꞌdooꞌdi Yaꞌhuud ichoow ki Yaꞌhuud ieheynane Waakh wahe ka, wora a koo Kiriistohi miigti Waakhenye toro la kharati Waakhe.

1 Koriinto 16:23

Yeessohi Kamure ba atin imaala.

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

Galaatiya 6:18

ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.

Efeesso 1:2

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Efeesso 6:23

Waakkhi Aabbaheene ichoow Yeesso Kiriistohi Kamure ba ꞌdooꞌdi Kiriisto rummeeste nebey kakaalaan. Toro icho ba ꞌdooninti atin isꞌdoontaan ichoow kakhuufnaanki atin Waakh kakhuuftaan atin siichaan.

Fiiliffi 1:2

Waakkhi Aabbaheene ichoow Yeesso Kiriistohi Kamureene ba atin imaalaane nebey atin kakaalaan.

Fiiliffi 4:13

Kiriistohi miig isiicho ka, a geeddi an walah tuumman yeelo.

Fiiliffi 4:20

Waakkheenki Aabbaheene jirtuu tuummamba a lakoolicho. Aamiin.

Fiiliffi 4:23

Yeesso Kiriistohi Kamure ba rubeyohiin imaala.

Kolossaay 1:2

ꞌDooꞌdi an isoochiiro la, a atinhi munyeenye, Kiriisto rummeysatteene lakakhuufo, ilkerengeetti Kolossaay taalliine, atin ichoow Kiriisto ba wohoo kalday tahiin. Waakkhi Aabbaheene ba atin imaala nebey atin kakaala.

Kolossaay 3:12

Waakh a atin soobahsate, ꞌdooꞌdiiski munyeenye us weyti ꞌdoono, atin kayeesse. Maantaka, taba giꞌde waha yeela, ꞌdooꞌdi uur nugul ateeha, ꞌdooꞌdi uur ꞌdabakhe ateeha, isnuglaacha, ꞌdooꞌdi samacchaare ateeha, ꞌdooꞌdi garrahsi khabo la ateeha.

Kolossaay 3:15

Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.

1 'Dessaloonika 1:1

Khadaaba ꞌdooꞌdi atin isoochiiro a ani Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheene ichoow koo Yeesso Kiriistohi Kamure. Waakh ba atin imaala, nebey atin kakaala.

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

1 'Dessaloonika 1:4

ꞌDooꞌd Kiriistokaaw, nah saggi Waakh atin iꞌdoono toro la us atin isoobahsate a garanna.

1 'Dessaloonika 4:7

Iꞌdi tahe Waakh jiroti biꞌdirenye lajiro ma inno iwahin. Iꞌdaasenyi a inno wahe ꞌdee jiroti munyee jirra.

1 'Dessaloonika 5:28

Yeesso Kiriistohi Kamureene ba atin imaala.

2 'Dessaloonika 1:2

Waakkhi Aabbaheene ichoow Yeesso Kiriistohi Kamure ba atin imaalaane, nebey atin kakaalaan.

2 'Dessaloonika 3:16

Maantaka Kamuri nebey leh rubeytiis ba walahbaaw atin isoobaho ka, kol dakkhan nebey atin kahida. Kamur ba atin tuumman atin leejira.

2 'Dessaloonika 3:18

Yeesso Kiriistohi Kamureene ba atin tuumman atin imaala.

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

1 Timooti 6:2

Bowꞌdayyohi kamurreticho Kiriisto rummeysatti, iiche kamurreticho ꞌdarraawin jeenteti icho dakkhan Kiriisto irummeesteen u. Orey a raaheene a ihileen, a mehe ꞌdooꞌdi hilicho ka indigir ꞌhelo, a ki Kiriisto rummeeste toro la icho ꞌdoonaan. Wahanyeyyoha enenyet abiche, enenyet faajjiye a raaho.

2 Timooti 1:2

Eti an isoochiiro la a ati Timooti. At la a iꞌdi weeleeyki an weyti ꞌdoono. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane, toro la nebey kaakaalaan.

2 Timooti 4:22

Kamur ba rubeyohiin leejira. Waakh ba atin imaala.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

Fiilemon 1:25

Yeesso Kiriistohi Kamure ba rubeyohiin imaala.

Fiilemon 1:3

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

1 Beetero 1:15

Iꞌdaasenyi saggi eti atin wahe munya iyahuu, atin laka wihi atin yeessaan tuumman ka munya ateeha.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

2 Yoohana 1:3

Waakkhi Aabbaheene ichoow Yeesso Kiriistohi Weeli Aabbaheene ba rum ichoow ꞌdoonin ka inno imaalaane, uur inno isoonugleestaane, nebey inno kakaalaan.

Bakkaahit 2:1

“Herti Waakhe keleyenye urur Kiriistoki Efeesso itolosso waha ichiir. Waha a farniinki ki bakkaalleti teebee dahantiisti miigeet kakhuccho toro la reemassi teebeenye ꞌdahabe taa lakorcho dahticho kaassohti.

Bakkaahit 2:12

“Herti Waakhe keleyenye urur Kiriistoki Bergamum itolosso waha ichiir. Waha a farniinki ki birlabi af leh khabo.

Bakkaahit 2:18

“Herti Waakhe keleyenye urur Kiriistoki ꞌDiyaaꞌdira itolosso waha ichiir. Waha a farniinki Weeli Waakh kayamiit. Indohiis a iꞌdi ꞌdabi weyti bolkho, luhlohiis la iꞌdi birtoo boorane lasiguu a bildiikhaan.

Bakkaahit 2:29

Eti dogo khabo, wihi Rubeyti Waakh ururre Kiriisto idowto, a daago giꞌde.

Bakkaahit 2:8

“Herti Waakhe keleyenye urur Kiriistoki Simiriina itolosso waha ichiir. Waha a farniinki ki Oreyenye toro la Salaahime, ki yumuyye toro omoot kasookahe.

Bakkaahit 22:21

Yeessohi Kamure ba ꞌdooꞌdi Waakh tuumman imaala. Aamiin.

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.

Bakkaahit 3:22

Eti dogo khabo wihi Rubeyti Waakh ururre Kiriisto idowto a daago giꞌde.”

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.