Rooma 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Atin laka ꞌdooꞌda Waakh wahe Yaꞌhuud ieheynane koo Yeesso Kiriisto yateeh goya a kajirtaan.

Rooma 1:6 ပူးပေါင်းရင်းမြစ်များ

Rooma 9:24

Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.

1 Koriinto 1:9

Waakkhi atin wahe, atin ichoow Weeliiski Yeesso Kiriistohi Kamureene ba kulankoo kalday atin kayeele, a lakakhuufa.

Galaatiya 1:6

Ani a atin kagirmeesda! Atin saggoh Waakkhi haag Kiriistoki buurenye inno imunneynan ka atin wahe dowwa on ikaguurteene, woroo addane haaggane atin laabche iraahteen?

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

Kolossaay 1:21

Atin goorat ꞌhor Waakh foga ileejirteene, maliin ka chiiytiissa eheet jeenteti atin uskeel iyeesseen u.

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

2 'Dessaloonika 2:14

Waakh jirota husub Wori Haaggane nah atin isoocheekne ka a atin wahe, ꞌdee Yeesso Kiriistohi Kamureene weynaantiisti ababto leegisantaan.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

2 Beetero 1:10

Maantaka ꞌdooꞌd Kiriistokaaw a atin hawwaasde, tirriinsada wihi saggi Waakh atin iwahe toro us atin isoobahsate tuso yeela. A mehe chaꞌatin iꞌda yeesseen jirtuu ma tarraantarrattaan.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”