Mattaayo 9:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Chirraas on makhaabassoo khannane geeddi guꞌh tomon ichoow lamma ba diigte Yeesso ꞌdubiis leetimiyye, laddi kabuuꞌdiis ꞌdaarte.

Mattaayo 9:20 ပူးပေါင်းရင်းမြစ်များ

Mattaayo 14:36

Hawwaasteene, ꞌdee ꞌdooꞌdi khakkhannan laddi kabuuꞌdiis kalday laka a ꞌdaaro. Eti tuummane ꞌdaare la samaate.

Mattaayo 23:5

“Wihi iche yeesso tuumman a yeessa, ꞌdee enenyet arga. Saabohi balballaaddane miinan ichoow keymo kahiitaan. Saabassaas la Chiirnaanneti Waakhe goya kakhabaan.

Mattaayo 9:19

Yeesso tolossate, abattitiis khabaayi makhaabal raahe.

Marko 6:56

Meelbaaw Yeesso irte ka, ilkerengeeto eheetteey, goobab eheetteey ommos gosas eheetteey ka ba, ꞌdooꞌdichoki khakkhannan siriiro kasoosiꞌdaane, sokkoti ꞌdee us yamiit, geecheen. Hawwaasteene, “Alley bal laddi kabuuꞌdaah kalday laka a ꞌdaareen,” iyidaaheen. Eti tuummane ꞌdaare la samaate.

Marko 8:22

Ilkerengeetti Bessaayda yimaateene, ꞌdooꞌdoo la etoo indo laa Yeesso ikeene, hawwaasteene, ꞌdee dahan a kaꞌdaaro.

Hilassi Ergaano 19:12

ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.